सशस्त्र प्रहरीमा बढुवा भएका अधिकृतलाई आईजीपी पौडेलद्वारा दर्ज्यानी चिन्ह प्रदान

काठमाडौं । सशस्त्र प्रहरी महानिरीक्षक (आईजीपी) नारायण दत्त पौडेलले सशस्त्र प्रहरी प्रधान कार्यालयमा आयोजित एक विशेष समारोहमा बढुवा भएका अधिकृतहरूलाई दर्ज्यानी चिन्ह प्रदान गर्नुभएको छ।

उक्त कार्यक्रममा अतिरिक्त महानिरीक्षक, नायव महानिरीक्षक, वरिष्ठ उपरीक्षक, उपरीक्षक, नायव उपरीक्षक तथा निरीक्षक पदमा हालै बढुवा भएका अधिकृतहरूलाई औपचारिक रूपमा दर्ज्यानी चिन्ह प्रदान गरिएको हो।

कार्यक्रमलाई सम्बोधन गर्दै आईजीपी पौडेलले नवबढुवा अधिकृतहरूलाई बधाई तथा सफल कार्यकालको शुभकामना व्यक्त गर्नुभएको थियो। उहाँले संगठनप्रति निष्ठा, अनुशासन र व्यावसायिकतासहित जिम्मेवारी निर्वाह गर्नुपर्नेमा जोड दिनुभएको थियो।

समारोहमा सशस्त्र प्रहरीका उच्च अधिकारीहरूको उपस्थिति रहेको थियो।

Facebook Comments Box