सुनको मूल्य तीन लाख नाघ्यो, तोलामा दुई हजार रुपैयाँ वृद्धि

काठमाडौं । नेपाली बजारमा सुनको मूल्यले नयाँ उचाइ कायम गरेको छ। आज सुनको मूल्य प्रतितोला दुई हजार रुपैयाँले बढ्दै तीन लाख रुपैयाँ नाघेको हो।

नेपाल सुनचाँदी व्यवसायी महासंघका अनुसार सोमबार प्रतितोला दुई लाख ९९ हजार ९०० रुपैयाँमा कारोबार भएको छापावाला सुनको मूल्य आज बढेर तीन लाख एक हजार ९०० रुपैयाँ पुगेको छ।

यस्तै, चाँदीको मूल्य पनि वृद्धि भएको छ। सोमबार प्रतितोला चार हजार ९०५ रुपैयाँमा कारोबार भएको चाँदी आज २० रुपैयाँले बढेर चार हजार ९२५ रुपैयाँ निर्धारण गरिएको महासंघले जनाएको छ।

अन्तर्राष्ट्रिय बजारमा बहुमूल्य धातुको मूल्यमा आएको उतारचढाव तथा विनिमय दरको प्रभावका कारण स्थानीय बजारमा सुनचाँदीको मूल्य दैनिक रूपमा परिवर्तन हुने गरेको छ।

Facebook Comments Box