उत्तरपूर्वी जापानमा ७.२ म्याग्निच्युडको भूकम्प, चार जना घाइते

जापानको उत्तरपूर्वी क्षेत्रमा आएको ७.२ म्याग्निच्युडको शक्तिशाली भूकम्पमा परी कम्तीमा चार जना घाइते भएका छन् ।

जापान मौसम विज्ञान एजेन्सीका अनुसार भूकम्प इवाटे प्रान्तको प्रशान्त तट क्षेत्रमा करिब ४४ किलोमिटर गहिराइमा आएको हो ।

स्थानीय अग्निशमन विभागका अनुसार हासिकामी र हाचिनोहेका क्षेत्रमा घाइते भएका चार जनालाई उपचारका लागि अस्पताल लगिएको छ । अधिकारीहरूले आगामी दिनमा थप परकम्प आउन सक्ने भन्दै नागरिकलाई सतर्क रहन आग्रह गरेका छन् ।

जापान चार टेक्टोनिक प्लेटको सीमामा अवस्थित भएकाले उच्च भूकम्पीय जोखिम भएको देश मानिन्छ । यसअघि सन् २०११ मा आएको ९.० म्याग्निच्युडको भूकम्प र त्यसपछिको सुनामीका कारण ठूलो मानवीय क्षति भएको थियो ।

Facebook Comments Box