धनुषामा घुमुवा आतंकले व्यावशायी आतंकित

धनुषा । सशस्त्रको नं ८ गण धनुषामा नयाँ घुमुवा परिचालन भएको छ । घुमुवा सहायक हबलदार श्याम सुन्दर यादव र घुमुवा असई जमीरी राउतलाई आ—आफ्नो दरबन्दी २५ नं गण र १४ नं गण पठाए पनि त्यही ठाउँमा सहायक हबलदार संतोष यादव र जवान मनोज यादबलाई ८ नं. गण धनुषाको घुमुवाको रुपमा परिचालन गरिएको छ । घुमुवा संतोष बीओपी मैनाथपुरमा घुमुवाको रुपमा खटिँदा स्थानिय तथा वार्ड अध्यक्षको धेरै गुनासो आएपछि संतोष यादवलाई गण तानिएको थियो भने घुमुवा मनोज यादव धनुषाको रघुनाथपुर बेसमा घुमुवाको रूपमा बिगत १ बर्ष देखि परिचालित थिए घुमुवा मनोजको पनि स्थानीयको गुनशोमा गण तानिएको हो ।
तर त्यही बदनाम घुमुवाहरू ८ नं. गणको गणपतीलाई महिनाको १५ लाख बुझाउने टेण्डर लिएका छन् । र तस्करी बन्द भएको ठूला तस्करहरूको काम सुचारू भएको छ । इनरवाबाट छोटे अहसान, महिन्द्रको पेस्ट, स्याउ, नाशपाती, अल्बेस्टरको लाइन पाएका छन् भने दुहबीबाट राजीब महासेठले किराना, कपड़ा, चाइनिज स्याउ, नासपाती, नेपाली रक्सीको लाइन पाएको छन् । घुमुवा सन्तोष र मनोजले तस्करी भेटन् तथा तस्करीहरू सित लेनदेनको डील गर्न जनकपुर १२ कैम्प्स चोकमा कोठा लिएका छन् । उक्त कोठाको भाड़ा ५ हजार ब्यापारी नरेश यादबलाई दिएको छ । घुमुवा कोठा छेउ घर हुने साह थरको घरबेटीको गुनासो छ, की यो कोठा सशस्त्र प्रहरीको घुमुवाको हो यो कोठा अगाड़ी १० ओटा बाइक जतिखेर नी लागेको हुन्छ । १२ बजे रातिसम्म दारू पार्टी चलिरहन्छ । अनेक थरी मान्छेहरू आई रहन्छन् । घुमुवाको संतोष र मनोज त्यही घुमुवा कोठा भनेर चिनिने कोठामा बस्छन् । धनुषामा काम गर्ने तस्करहरू शिब नारायन, नरेश, समतूला, राजा, राजीब, उमेश, महिंद्र, छोटे एहसान, दिलिप, अजय, अयूब, अलाउदीन, सत्रोंहान, कपील, धर्मेन्द्रलगायतका छन् ।

Facebook Comments Box