साउदी र माल्दिभ्समा पहिलोपटक नेपाली फिल्म ‘छक्कापञ्जा ५’

काठमाडौं। पहिलोपटक साउदी अरब र माल्दिभ्समा नेपाली फिल्म प्रदर्शनमा आएको छ । यी दुई ठाउँमा ‘छक्कापञ्जा ५’ प्रदर्शनमा आएको हो ।

साउदीका १० हलमा फिल्म प्रदर्शनमा आएको छ । जुबेलस्थित मूभी सिनेमाज, दमामको भक्स सिनेमाज, जेद्दाको मूभी र भक्स सिनेमाज, रियादस्थित मूभी, भक्स, एएमसी रियाद ग्यालरी नाइन, सलाम मलको मूभी सिनेमाजमा फिल्म लागेको छ ।

यस्तै, धरहानको मूभी सिनेमाजमा पनि फिल्म प्रदर्शनमा आएको छ । नेपाली कामदारको ठूलो उपस्थिती रहेको मध्यपूर्वको साउदीसहित मध्यपूर्वका ५० हलमा फिल्म रिलिज भएको छ ।

साउदीसहित युएई, कतार, बहराइन र ओमानमा पनि फिल्म प्रदर्शनमा आएको छ । कतारका १० हलबाट फिल्म प्रदर्शनमा आएको छ । दक्षिण एसियाली टापु मुलुक माल्दिभ्सका २ हलमा पनि पहिलोपटक नेपाली फिल्म प्रदर्शनमा आएको छ ।

Facebook Comments Box