सुनको मूल्यमा सामान्य गिरावट, चाँदीमा भने वृद्धि

काठमाडौँ । नेपाली बजारमा आज सुनको मूल्यमा सामान्य गिरावट आएको छ भने चाँदीको मूल्यमा वृद्धि देखिएको छ।

नेपाल सुनचाँदी व्यवसायी महासंघका अनुसार आज छापावाल सुनको मूल्य अघिल्लो कारोबारको तुलनामा प्रतितोला १ हजार रुपैयाँले घटेको हो। महासंघले आजका लागि छापावाल सुनको मूल्य प्रतितोला २ लाख ९८ हजार ९ सय रुपैयाँ तोकेको छ। यसअघि वैशाख २५ गते सुन प्रतितोला २ लाख ९९ हजार ९ सय रुपैयाँमा कारोबार भएको थियो।

त्यस्तै, आज १० ग्राम सुनको मूल्य २ लाख ५६ हजार २ सय ६० रुपैयाँ कायम गरिएको छ।

सुनको मूल्य घटेको भए पनि चाँदीको मूल्य भने सामान्य रूपमा बढेको छ। वैशाख २५ गते प्रतितोला ५ हजार २ सय ७५ रुपैयाँमा कारोबार भएको चाँदी आज बढेर प्रतितोला ५ हजार ३ सय रुपैयाँ पुगेको छ। १० ग्राम चाँदीको मूल्य आज ४ हजार ५ सय ४४ रुपैयाँ रहेको महासंघले जनाएको छ।

अन्तर्राष्ट्रिय बजारमा हुने मूल्य उतारचढावका आधारमा नेपालमा दैनिक रूपमा सुनचाँदीको मूल्य निर्धारण हुँदै आएको छ।

Facebook Comments Box