रास्वपाले केन्द्रीय समिति बैठक बोलायो, महाधिवेशन र सरकार सञ्चालनबारे छलफल हुने

काठमाडौं ।राष्ट्रिय स्वतन्त्र पार्टी (रास्वपा) ले केन्द्रीय समिति बैठक आह्वान गरेको छ । बैठक बुधबार बिहान ९ बजे पार्टी केन्द्रीय कार्यालय चःमतिमा बस्नेछ ।

पार्टीका अनुसार बैठकमा केन्द्रीय महाधिवेशनको तयारी, सरकार सञ्चालनको समीक्षा तथा संसद्को चालू बर्खे अधिवेशनसँग सम्बन्धित विषयहरूमा विस्तृत छलफल गरिनेछ ।

रास्वपाले भदौ महिनाभित्र पहिलो महाधिवेशन गर्ने तयारी गरिरहेको छ । सोही तयारीलाई अघि बढाउने विषय पनि बैठकको मुख्य एजेन्डा रहेको बताइएको छ ।

पार्टी प्रवक्ता मनिष झाले सबै केन्द्रीय सदस्यहरूलाई बैठकमा अनिवार्य रूपमा उपस्थित हुन आग्रह गरिएको जानकारी दिएका छन् ।

महाधिवेशनको पूर्वतयारीसँगै संगठनात्मक सुदृढीकरण र आगामी राजनीतिक रणनीतिबारे पनि बैठकमा महत्वपूर्ण निर्णय हुन सक्ने अपेक्षा गरिएको छ ।

Facebook Comments Box