पश्चिमी न्यून चापीय प्रणालीको प्रभाव : पहाडमा वर्षा र हिमपात, तराईमा गर्मी बढ्ने

काठमाडौँ । नेपालमा हाल उपल्लो वायुमण्डलमा सक्रिय रहेको पश्चिमी न्यून चापीय रेखा तथा स्थानीय वायुको आंशिक प्रभावका कारण देशका विभिन्न क्षेत्रमा मौसममा परिवर्तन देखिएको छ। यस प्रभावले पहाडी तथा हिमाली भू–भागमा बदली, वर्षा र हिमपातको सम्भावना बढाएको छ भने तराईका केही क्षेत्रमा गर्मीको महसुस बढ्ने देखिएको छ।

जल तथा मौसम विज्ञान विभागअन्तर्गत मौसम पूर्वानुमान महाशाखाका अनुसार अहिले देशका अधिकांश पहाडी तथा हिमाली क्षेत्रमा साधारणतया बदली रहेको छ भने तराईका भू–भागमा आंशिक बदलीदेखि मुख्यतया सफा मौसम कायम छ। हाल कोशी प्रदेशका केही स्थान तथा गण्डकी प्रदेशका एक–दुई स्थानमा मेघगर्जन र चट्याङसहित हल्कादेखि मध्यम वर्षा भइरहेको छ।

महाशाखाले सोमबारका लागि सार्वजनिक गरेको पूर्वानुमानअनुसार कोशी, बागमती र गण्डकी प्रदेशका हिमाली तथा पहाडी क्षेत्रमा सामान्यदेखि पूर्ण बदली रहने सम्भावना छ। साथै बाँकी हिमाली क्षेत्रहरूमा पनि बादल लाग्ने क्रम जारी रहनेछ। मधेस, लुम्बिनी, कर्णाली र सुदूरपश्चिम प्रदेशका पहाडी भू–भागमा आंशिक बदली रहने भए पनि अधिकांश तराई क्षेत्रमा मौसम सामान्यतया सफा रहने अनुमान गरिएको छ।

पूर्वानुमानअनुसार कोशी, बागमती र गण्डकी प्रदेशका पहाडी तथा हिमाली भू–भागका थोरै स्थानमा मेघगर्जन, चट्याङसहित मध्यम वर्षा हुने तथा उच्च हिमाली क्षेत्रमा हिमपातको सम्भावना रहेको छ। यस्तै, अन्य हिमाली तथा पहाडी क्षेत्रका एक–दुई स्थानमा पनि वर्षा र हिमपात हुन सक्ने महाशाखाले जनाएको छ।

यता, मधेस प्रदेशसहित बागमती, गण्डकी, लुम्बिनी र सुदूरपश्चिम प्रदेशका तराई भू–भागमा तापक्रम बढ्दै जाने संकेत देखिएको छ। ती क्षेत्रका केही स्थानमा तातो दिनको अवस्था रहने सम्भावना रहेकाले आवश्यक सतर्कता अपनाउन मौसमविद्ले सुझाव दिएका छन्।

मौसमविद्का अनुसार वर्षा, चट्याङ र हिमपातको सम्भावना रहेका क्षेत्रमा यात्रा तथा बाह्य गतिविधिमा सावधानी अपनाउनुपर्नेछ भने अत्यधिक गर्मी हुने तराई क्षेत्रमा पर्याप्त पानी पिउन र लामो समय घाममा बस्नबाट जोगिन आग्रह गरिएको छ।

जनरक्षा फोकस

थप सामाग्री

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

दान बहादुर कार्की : संक्रमणकालमा प्रहरी संगठनलाई नेतृत्व प्रदान गर्ने सक्षम व्यक्ति

समाज

थप सामाग्री

• 

  विमानस्थलमा ‘काउन्टर सेटिङ’ प्रकरण : दुई कर्मचारी पक्राउ, बोर्डिङ पास हेरफेरको आरोप

• 

  भूमाफिया र जनप्रतिनिधि–कर्मचारीकै मिलेमतोमा मासिँदै खेतीयोग्य जमिन, बालेन सरकारले रोक्ला ?

• 

  एसएसपी तुलबहादुर कार्कीले सम्हाले ललितपुर प्रहरी परिसरको नेतृत्व

• 

  मध्यपूर्व तनावको असर: कच्चा तेलको मूल्य उकालो, एशियाली शेयर बजारमा गिरावट

• 

  ३१.८ किमि सडक वर्षौंदेखि अलपत्र, स्थानीय धुलो र हिलोमा सास्ती

एसएसपी सुरेश काफ्लेको नेतृत्वमा उपत्यका ट्राफिक प्रहरी कार्यालयमा नयाँ ऊर्जा, जिम्मेवारी सम्हाल्दै कार्यदिशा स्पष्ट

१३ घण्टा अगाडि

1.7kViews 350 Shares Share on Facebook Share on Twitter काठमाडौँ । काठमाडौँ उपत्यका ट्राफिक प्रहरी कार्यालयको प्रमुखको जिम्मेवारी सम्हालेका एसएसपी…

पर्सामा एसपी सुदीपराज पाठकको ९ महिने कार्यकाल : तस्करी नियन्त्रणदेखि अपराध अनुसन्धानसम्म उल्लेखनीय परिणाम

१६ घण्टा अगाडि

पश्चिमी न्यून चापीय प्रणालीको प्रभाव : पहाडमा वर्षा र हिमपात, तराईमा गर्मी बढ्ने

१६ घण्टा अगाडि

आजको राशिफल : पाथीभरा माताले रक्षा गरुन

१७ घण्टा अगाडि