विमानस्थलमा ‘काउन्टर सेटिङ’ प्रकरण : दुई कर्मचारी पक्राउ, बोर्डिङ पास हेरफेरको आरोप

काठमाडौँ । त्रिभुवन अन्तर्राष्ट्रिय विमानस्थलमा भिजिट भिसासम्बन्धी ‘काउन्टर सेटिङ’ गरेको आरोपमा नेपाल वायुसेवा निगमका दुई जना ग्राउण्ड ह्याण्डलिङ कर्मचारी पक्राउ परेका छन् । पक्राउ पर्नेमा प्रबिन लामिछाने र सुमित्रा चन्द रहेका छन् ।

उपत्यका अपराध अनुसन्धान कार्यालयका अनुसार उनीहरूलाई आइतबार पक्राउ गरिएको हो । नेपाल वायुसेवा निगममा करार सेवामा कार्यरत ग्राउण्ड ह्याण्डलिङ स्टाफमार्फत विमानस्थलमा यात्रु व्यवस्थापनमा अनियमितता भएको सुराकका आधारमा अध्यागमन विभागले अनुसन्धानका लागि प्रहरीलाई पत्राचार गरेको थियो ।

अध्यागमन विभाग र त्रिभुवन विमानस्थल सुरक्षा कार्यालयको पत्रका आधारमा गरिएको अनुसन्धानपछि उनीहरू पक्राउ परेका हुन् । प्रारम्भिक अनुसन्धान अनुसार उनीहरूले एक भारतीय नागरिकलाई सुरुमा भारततर्फको बोर्डिङ पास उपलब्ध गराई सुरक्षा जाँच पार गरिसकेपछि पुनः दुबई जाने अर्को बोर्डिङ पास दिएर ‘काउन्टर सेटिङ’ गरेको देखिएको प्रहरीको दाबी छ ।

उक्त भारतीय नागरिक जेठ ३ गते दुबई प्रस्थान गरेको अध्यागमन रेकर्डमा देखिएको बताइएको छ । नेपालबाट तेस्रो मुलुक जानुपर्ने अवस्थामा भारतीय नागरिकले अनिवार्य रूपमा नो अब्जेक्सन सर्टिफिकेट (एनओसी) पेश गर्नुपर्ने व्यवस्था भए पनि सो प्रक्रिया पूरा नगरी बोर्डिङ पास उपलब्ध गराइएको अनुसन्धान निष्कर्षमा उल्लेख छ ।

प्रहरीका अनुसार इन्डिगो एयरलाइन्सको भारततर्फको बोर्डिङ पास र फ्लाई दुबईको दुबई जाने बोर्डिङ पास प्रयोग गरिएको देखिन्छ । साथै, सुरक्षा जाँचपछि इन्डिगोको बोर्डिङ पास फिर्ता लिएको दृश्य विमानस्थलको सिसिटिभी फुटेजमा देखिएको अध्यागमन विभागका एक अधिकृतले बताएका छन् ।

यसैबीच, यस प्रकरणमा अपराध अनुसन्धान कार्यालयका केही अधिकारीहरू र विमानस्थलका सम्बन्धित निकायबीच मिलोमतो भएको भन्दै स्रोत स्तरबाट आरोपसमेत उठाइएको छ । यद्यपि, यसबारे औपचारिक पुष्टि नभएकाले सम्बन्धित निकायबाट थप अनुसन्धान आवश्यक देखिएको छ ।

जनरक्षा फोकस

थप सामाग्री

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

दान बहादुर कार्की : संक्रमणकालमा प्रहरी संगठनलाई नेतृत्व प्रदान गर्ने सक्षम व्यक्ति

समाज

थप सामाग्री

• 

  विमानस्थलमा ‘काउन्टर सेटिङ’ प्रकरण : दुई कर्मचारी पक्राउ, बोर्डिङ पास हेरफेरको आरोप

• 

  भूमाफिया र जनप्रतिनिधि–कर्मचारीकै मिलेमतोमा मासिँदै खेतीयोग्य जमिन, बालेन सरकारले रोक्ला ?

• 

  एसएसपी तुलबहादुर कार्कीले सम्हाले ललितपुर प्रहरी परिसरको नेतृत्व

• 

  मध्यपूर्व तनावको असर: कच्चा तेलको मूल्य उकालो, एशियाली शेयर बजारमा गिरावट

• 

  ३१.८ किमि सडक वर्षौंदेखि अलपत्र, स्थानीय धुलो र हिलोमा सास्ती

एसएसपी सुरेश काफ्लेको नेतृत्वमा उपत्यका ट्राफिक प्रहरी कार्यालयमा नयाँ ऊर्जा, जिम्मेवारी सम्हाल्दै कार्यदिशा स्पष्ट

११ घण्टा अगाडि

1.6kViews 350 Shares Share on Facebook Share on Twitter काठमाडौँ । काठमाडौँ उपत्यका ट्राफिक प्रहरी कार्यालयको प्रमुखको जिम्मेवारी सम्हालेका एसएसपी…

पर्सामा एसपी सुदीपराज पाठकको ९ महिने कार्यकाल : तस्करी नियन्त्रणदेखि अपराध अनुसन्धानसम्म उल्लेखनीय परिणाम

१४ घण्टा अगाडि

पश्चिमी न्यून चापीय प्रणालीको प्रभाव : पहाडमा वर्षा र हिमपात, तराईमा गर्मी बढ्ने

१५ घण्टा अगाडि

आजको राशिफल : पाथीभरा माताले रक्षा गरुन

१५ घण्टा अगाडि