रास्वपाको प्रथम महाधिवेशनमा सहभागी हुन बालेन शाह चितवन पुगे

चितवन । राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशनमा सहभागी हुन काठमाडौं महानगरपालिकाका मेयर बालेन्द्र (बालेन) शाह आइतबार बिहान चितवन पुगेका छन्।

महाधिवेशन उद्घाटनको दिन शाह चितवन पुगेका हुन्। उनी आफ्नी छोरीसहित चितवन आएको जनाइएको छ। रास्वपाको महाधिवेशनप्रति चासोका साथ हेरिएका शाहको उपस्थितिलाई राजनीतिक वृत्तमा अर्थपूर्ण रूपमा हेरिएको छ।

रास्वपाले आज चितवनमा आफ्नो पहिलो राष्ट्रिय महाधिवेशन उद्घाटन गर्दैछ। महाधिवेशनले पार्टीको भावी नीति, नेतृत्व चयन तथा संगठनात्मक संरचनासम्बन्धी महत्वपूर्ण निर्णय गर्ने अपेक्षा गरिएको छ।

पार्टी स्थापना भएको चार वर्ष नपुग्दै रास्वपाले पहिलो राष्ट्रिय महाधिवेशन आयोजना गरेको हो। महाधिवेशनमा देशभरबाट प्रतिनिधि, नेता तथा कार्यकर्ताहरूको उल्लेखनीय सहभागिता रहेको छ।

Facebook Comments Box