दोलखाको गौरिशंकर गाउँपालिकाका उपाध्यक्ष श्यामसुन्दर तामाङको निधन

दोलखा । दोलखाको गौरिशंकर गाउँपालिकाका उपाध्यक्ष श्यामसुन्दर तामाङको निधन भएको छ । तामाङको आइतबार दिउँसो हृदयघातका कारण निधन भएको हो ।उपाध्यक्ष तामाङलाई काठमाडौंको शहीद गंगालाल राष्ट्रिय हृदय केन्द्रमा उपचारका लागि भर्ना गरिएको थियो । उनको उपचारकै क्रममा निधन भएको नेपाली कांग्रेस दोलखाका सभापति बर्मा लामाले जानकारी दिएका छन् ।

सभापति लामाले शोक वक्तव्य जारी गर्दै उपाध्यक्ष तामाङले नेपालको लोकतान्त्रिक आन्दोलनमा निर्वाह गरेको भूमिका र गौरिशंकर गाउँपालिकाको विकासको अवधारणा दोलखाली नागरिकका लागि अतुलनिय रहेको जनाएका छन् ।

उनको निधनले कांग्रेस दोलखा अत्यन्त मर्माहत भएको सभापति लामाले विज्ञप्तिमा उल्लेख गरेका छन् । तामाङ २०७९ सालको स्थानीय निर्वाचनमा नेपाली कांग्रेसका तर्फबाट गाउँपालिका उपाध्यक्षमा निर्वाचित भएका थिए ।

Facebook Comments Box