धोविघाटको कवाडी गोदममा आगलागी

ललितपुरको धोविघाटस्थित कवाडी गोदाममा लागेको आगो अझै नियन्त्रणमा आएको छैन।‍

धोबिघाट रिङरोडबाहिर रहेको बच्चा साहको कवाडी गोदममा बुधबार दिउँसो १ बजेको समयमा आगलागी भएको हो। आगलागीमा परी ३ जना घाइते भएका छन्। उनीहरूको अस्पतलमा उपचार भइरहेको छ।

गोदाम बच्चु साहले सञ्चालन गर्दै आएका थिए।

विगत १४ वर्षदेखि कवाडी गोदाम सञ्चालन गर्दै आएका साहले ५ जनालाई रोजगारीसमेत दिएका थिए।

उनी भारतीय नागरिक भए पनि २०-२२ वर्षदेखि नेपालमै बसेर विभिन्न व्यवसाय गर्दै आएका थिए।

अचानक गोदाममा आगो लाग्दा ५ जना कामदारहरू गोदाममै थिए। उनीहरूमध्ये गणेश नेपाल, अजय र लक्ष्मी घाइते भएका छन्।
आगोको सप्काले भेटेर उनीहरूको अनुहार जलेको छ।

विजुली सर्ट भएर आगो लागेको हुनसक्ने प्रहरीले प्रारम्भीक अनुमान लगाएको छ।

अझै आगो नियन्त्रण आइसकेको छैन। काठमाडौं, ललितपुर भक्तपुरका दमकल, पानी ट्याङ्की, प्रहरी, नगर प्रहरी तथा स्थानीयले आगलागी नियनत्र्णको प्रयास गरिरहेका छन्।

क्षतिको विवरण आइनसकेको प्रहरीले जनाएको छ।

Facebook Comments Box