स्याङ्जाबाट उत्साहजनक पहल : तीन सन्तान जन्माउने परिवारलाई दुई वर्षसम्म मासिक ४ हजार सहयोग

स्याङ्जा । कालीगण्डकी गाउँपालिकाले घट्दो जन्मदर र पारिवारिक सन्तुलनलाई ध्यानमा राख्दै महत्वपूर्ण सामाजिक–आर्थिक नीति ल्याएको छ। गाउँपालिकाले अब तीन सन्तान जन्माउने परिवारलाई दुई वर्षसम्म प्रत्येक महिना ४ हजार रुपैयाँ आर्थिक सहयोग प्रदान गर्ने निर्णय गरेको हो।
गाउँपालिका अध्यक्ष खिमबहादुर थापाको नेतृत्वमा अघि बढाइएको यो कार्यक्रमले परिवारलाई आर्थिक रूपमा सहयोग पुर्‍याउनुका साथै जनसंख्या सन्तुलन, बालपालन र सामाजिक सुरक्षामा सकारात्मक प्रभाव पार्ने अपेक्षा गरिएको छ।
स्थानीय सरकारको यस निर्णयले ग्रामीण क्षेत्रका युवा दम्पतीलाई प्रोत्साहन गर्ने, बसाइँसराइ कम गर्ने र गाउँमै भविष्य देख्ने वातावरण सिर्जना गर्ने विश्वास लिइएको छ। अध्यक्ष थापाका अनुसार, “जनसंख्या घट्दो अवस्थामा पुग्दै जाँदा दीर्घकालीन सामाजिक असर पर्न सक्छ, त्यसैले समयमै प्रोत्साहनमुखी नीति आवश्यक ठानेर यो कार्यक्रम ल्याइएको हो।”
स्थानीय तहबाट गरिएको यस्तो नवीन र जनमुखी पहललाई नीति निर्माणमा उदाहरणीय कदमका रूपमा हेरिएको छ। कालीगण्डकी गाउँपालिकाको यो निर्णयले अन्य स्थानीय तहलाई पनि प्रेरणा दिने विश्वास गरिएको

Facebook Comments Box