६ करोडभन्दा बढीको ‘हनी ट्र्याप’ ठगी प्रकरण: राजनीतिक नामसमेत जोडिँदै अनुसन्धान तीव्र

काठमाडौं । टिकटकर तुलसा अधिकारीसँग जोडिएको बहुचर्चित ‘हनी ट्र्याप’ तथा ठगी प्रकरणले थप गम्भीर मोड लिएको छ। अनुसन्धानका क्रममा आर्थिक लेनदेनसम्बन्धी शंकास्पद गतिविधि देखिएपछि नेपाली कांग्रेसकी पूर्वकेन्द्रीय सदस्य लक्ष्मी खतिवडा पनि अनुसन्धानको दायरामा तानिएकी छन्।
जिल्ला सरकारी वकिल कार्यालय, ललितपुरले दायर गरेको अभियोगपत्रमा खतिवडासँग सम्बन्धित वित्तीय कारोबार शंकास्पद देखिएको उल्लेख छ। अनुसन्धानका क्रममा तुलसा अधिकारीमार्फत नेलिका लामिछानेको खातामा रकम सारेर पुनः खतिवडासम्म करिब १० लाख रुपैयाँ पुगेको देखिएको छ। विभिन्न चरणमा गरी कुल ९ लाख ८७ हजार १०४ रुपैयाँ बराबरको कारोबार भएको विवरणसमेत अभियोगपत्रमा समावेश छ।
यसअघि अटोमोबाइल व्यवसायी कुमार चिमोरियाबाट ‘हनी ट्र्याप’ शैलीमा ६ करोड रुपैयाँभन्दा बढी रकम असुली गरिएको आरोपमा १० जनाविरुद्ध मुद्दा दायर भइसकेको छ। अभियोगपत्रअनुसार तुलसा अधिकारीले २०७५ सालमा चिमोरियासँग सम्बन्ध विस्तार गरी सोही सम्बन्धलाई आधार बनाउँदै ‘बलात्कार मुद्दा हालिदिने’ धम्की दिँदै लामो समयसम्म ब्ल्याकमेलिङ गरेको आरोप छ।
पीडित व्यवसायीले सामाजिक प्रतिष्ठा जोगाउन पटक–पटक गरी करिब ४ करोड ५० लाख रुपैयाँ बराबरको नगद, जिन्सी तथा सम्पत्ति बुझाउन बाध्य भएको दाबी गरेका छन्। पछि विभिन्न शीर्षकमा थप असुली हुँदा कुल बिगो ६ करोड ५२ लाख २९ हजार ७५ रुपैयाँ ५४ पैसा पुगेको अभियोगपत्रमा उल्लेख छ।
अनुसन्धानका क्रममा सातदोबाटो र इमाडोल क्षेत्रमा पटक–पटक लाखौं रुपैयाँको लेनदेन भएको, गहना पसल खोल्न २५ लाख रुपैयाँ तिराइएको तथा कुमारीपाटीस्थित ‘तुलसा कलेक्सन प्रालि’ का लागि सजावट र भाडा शीर्षकमा करिब १५ लाख ९० हजार रुपैयाँ खर्च गराइएको विवरणसमेत खुलेको छ।
यसैबीच, सम्पत्ति शुद्धीकरणसम्बन्धी बिगो रकम २१ करोड १२ लाख २० हजार ४०६ रुपैयाँ १६ पैसा कायम गरिएको छ। तुलसा अधिकारीविरुद्ध ठगी, आपराधिक लाभ तथा सम्पत्ति शुद्धीकरण मुद्दा ललितपुर जिल्ला अदालतमा विचाराधीन छ।
प्रकरणमा नेलिका लामिछाने पक्राउपछि साधारण तारेखमा रिहा भएकी छन् भने अन्य आरोपितहरूविरुद्ध पनि कानुनी प्रक्रिया अघि बढाइएको छ।
यो घटनाले संगठित ठगी, ब्ल्याकमेलिङ र सम्भावित आर्थिक–राजनीतिक सञ्जालबारे गम्भीर प्रश्न उठाएको छ। अनुसन्धान अझै जारी रहेकाले थप तथ्यहरू सार्वजनिक हुने अपेक्षा गरिएको छ।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  “जिम्मेवार चालक बनौँ, जरिवानाबाट बचौँ” विशेष सडक सचेतना अभियान उपत्यकाभरि सुरु — एसएसपी सुरेश काफ्ले

• 

  स्मार्ट सेलको करिब पाँच अर्ब सम्पत्ति हिनामिना प्रकरणमा अनुसन्धान सुस्त, सीआईबीमाथि प्रश्न

• 

  काठमाडौं उपत्यकामा स्पा–मसाज सेन्टरको नाममा नाबालिकामाथि यौन शोषणको डरलाग्दो जालो : मानव बेचबिखनको संगठित स्वरूप उजागर

• 

  नेपालगञ्ज उपमहानगरपालिका वडा नम्बर १ को सार्बजनिक सुनुवाई सम्पन्न ,६ बुद्धे साझा सार्बजनिक प्रतिबद्धता घोषणा

• 

  आज असार १ गते सोमबार, यस्तो छ तपाईंको राशिफल

आजको मौसम : पहाडमा वर्षा र हिमपातको सम्भावना, पश्चिमी तराईमा बढ्दो गर्मी

७ घण्टा अगाडि

1.8kViews 380 Shares Share on Facebook Share on Twitter काठमाडौँ । नेपालको मौसममा हाल विभिन्न मौसमी प्रणालीहरूको संयुक्त प्रभाव देखिएको…

मधेसमा सुशासन र प्रहरी सुधारका लागि आईजीपी कार्की र डीआईजी थपलियाको सक्रिय नेतृत्व प्रशंसनीय

१७ घण्टा अगाडि

नेपाल इन्जिनियरिङ कलेजमा ‘इन्जिनियरिङ तथा अनुसन्धानका लागि पाइथन’ विषयक क्षमता अभिवृद्धि कार्यक्रम सुरु

१८ घण्टा अगाडि

चापाकोट प्रहरी कार्यालयको अनुगमन गर्दै एसपी राठौरको निर्देशन : सेवाग्राहीमैत्री सेवा र सुरक्षा व्यवस्थामा जोड

२० घण्टा अगाडि