हर्क साम्पाङको टिप्पणीपछि फेरि चर्चामा महावीर पुन, सामाजिक सञ्जाल ताते

काठमाडौँ । बालेन नेतृत्वको सरकारमा महावीर पुन मन्त्री बनेपछि धरान उपमहानगरपालिकाका मेयर हर्क साम्पाङले दिएको अभिव्यक्तिले पुनः राजनीतिक वृत्तमा चर्चा पाएको छ।

सामाजिक सञ्जालमार्फत प्रतिक्रिया जनाउँदै साम्पाङले सीमा विवादसम्बन्धी विषयमा आफूहरू संसदमा उत्रिएर विरोध गरेको स्मरण गराएका छन्। तर महावीर पुनले उक्त विषयमा समर्थन जनाएको जस्तो देखिएको भन्दै उनले टिप्पणी गरेका छन्।

उनले आफ्नो अभिव्यक्तिमा भनेका छन्, “हामीले देशको सीमा विवादमा सदनमा उत्रिएर विरोध गर्‍यौँ, तर उहाँले त्यसको समर्थन गर्नुभयो। आज आएर पुष्टि भयो कि उहाँलाई देश होइन, मन्त्रालय चाहिएको रहेछ।”

साम्पाङको यो भनाइ सार्वजनिक भएसँगै सामाजिक सञ्जालमा पक्ष–विपक्षमा बहस सुरु भएको छ। केहीले यसलाई व्यक्तिगत टिप्पणी भनेका छन् भने केहीले राजनीतिक असन्तुष्टिको अभिव्यक्ति भन्दै टिप्पणी गरिरहेका छन्।

महावीर पुनको तर्फबाट भने यस विषयमा कुनै औपचारिक प्रतिक्रिया सार्वजनिक भइसकेको छैन।

Facebook Comments Box