हात्तीको आक्रमणबाट माउतेको मृत्यु

पर्सा राष्ट्रिय निकुञ्जमा हात्तीको आक्रमणबाट एकजना माउतेको मृत्यु भएको छ । निकुञ्जको रामभोरीभाटा सेक्टर गडवालाइन पोष्टस्थित हात्तीसारमा आफैँले पालेको घरपालुवा हात्तीको आक्रमणबाट बाराको जीतपुर सिमरा १५ निवासी माउते रमेश महराको वीरगन्जस्थित बयोधा अस्पतालमा उपचारका क्रममा मृत्यु भएको हो ।‘उहाँले धेरै वर्षदेखि त्यो हाक्तीको सेवा गर्दै आउनुभएको थियो तर आज एक्कासी के कसो भयो चरिचरनबाट फर्केर आएको हात्तीलाई बाध्ने क्रममा माउतेलाई आक्रमण गरेर घाइते बनायो । त्यसपछि उपचारको क्रममा उहाँको ज्यान गयो’ पर्सा राष्ट्रिय निकुञ्जका प्रमुख संरक्षण अधिकृत अशोकरामले भने । हिज‍ो अपरान्ह साढे ४ बजे हात्तीले महरामाथि आक्रमण गरेको प्रमुख संरक्षण अधिकृत रामले बताए ।