युट्यूवर र अभियन्तामाथि कुटपिट गर्ने म्यानपावर संचालक पक्राउ

काठमाडौं । काठमाडौँको सामाखुसीमा रहेको ट्रिपल स्टार म्यानपावर कम्पनीका संचालक भीम गुरुङ पक्राउ परेका छन् ।

गुरुङलाई श्रम, रोजगार तथा सामाजिक सुरक्षा मन्त्रालयले गठन गरेको ‘मार्सल टोली’ले विहीबार पक्राउ गरेको हो ।गुरुङले यूएईको ग्लोबल सेक्युरिटी कम्पनीमा रोजगारी लगाइदिने भन्दै १२ जना नेपालीबाट ७ लाख ५० हजारका दरले रकम लिएर भिजिट भिसामा यूएई पठाइ अलपत्र पारेको भन्ने उजुरी परेको थियो । सोही उजुरीका आधारमा गुरुङलाई पक्राउ गरिएको हो ।गुरुङले आफ्नो विपक्षमा बोल्न खोजेको भन्दै युट्यूवर र अभियन्तामाथि कार्यालयभित्रै कुटपिट गरेको भिडियो समेत सार्वजनिक भएको थियो ।

पक्राउ परेका गुरुङलाई थप अनुसन्धानका लागि प्रहरीको केन्द्रीय अनुसन्धान ब्यूरो (सीआईबी) मा लगिएको बताइएको छ ।

Facebook Comments Box