माफी मागेर मन्त्री खान्न भनेपछि ऊर्जा राज्यमन्त्री तामाङ बर्खास्त

काठमाडौं । प्रधानमन्त्री केपी शर्मा ओलीले ऊर्जा राज्यमन्त्री पूर्णबहादुर तामाङ (कान्छाराम) लाई बर्खास्त गरेका छन्।प्रधानमन्त्री ओलीको सचिवालयका अनुसार बुधबार राज्यमन्त्री तामाङलाई बर्खास्त गरिएको हो । केही समयदेखि राज्यमन्त्री पदबाट राजीनामा दिन नेपाली कांग्रेसले तामाङलाई आग्रह गर्दै आएको थियो।उनले राजीनामा नदिएपछि बर्खास्त गरिएको हो । तामाङलाई २०८१ साउन १८ गते ऊर्जा राज्यमन्त्री बनाइएको थियो।
कांग्रेस सभापति शेरबहादुर देउवा स्वास्थ्य उपचारका लागि भन्दै थाइल्याण्डको बैंककमा रहेका बेला प्रधानमन्त्री ओलीले राज्यमन्त्री तामाङलाई बर्खास्त गरेका हुन् । तामाङलाई के कारणले राज्यमन्त्रीबाट बर्खास्त गरिएको हो भन्ने विषयमा प्रधानमन्त्री ओलीले मुख खोलिसकेका छैनन् भने उनको सचिवालयले पनि कारण दिइसकेको अवस्था छैन।साथै उनको पार्टी कांग्रेसले पनि यसबारे औपचारिक धारणा दिएको छैन।
नेपाल विद्युत प्राधिकरणको कार्यकारी निर्देशक रहँदा घिसिङमाथि ऊर्जा मन्त्री दीपक खड्काले पटक–पटक स्पष्टीकरण सोधेका थिए। त्यसबेला ऊर्जा राज्यमन्त्री तामाङ भने घिसिङलाई पूरा कार्यकाल कार्यकारी निर्देशक बनाउनुपर्ने पक्षमा उभिएका थिए। तामाङले बताएअनुसार कुलमान घिसिङलाई पदबाट हटाउनुअघिदेखि नै प्रधानमन्त्री केपी शर्मा ओली उनीसँग असन्तुष्ट देखिन्थे । प्रधानमन्त्रीले यो कुरा परराष्ट्र मन्त्रीसमेत रहेकी कांग्रेस केन्द्रीय सदस्य आरजु राणा देउवा र गृहमन्त्री रमेश लेखक लगायतलाई पनि भनेका थिए। ‘म मन्त्री क्वार्टर नगई घरमै बसिरहेको थिएँ, आज अपराह्न पौने ५ बजेतिर गृहमन्त्री रमेश लेखकजीले फोन गर्नुभएको थियो– प्रधानमन्त्रीज्यूले तपाईंको राजीनामा मागिरहनु भएको छ, राजीनामा दिनुप¥यो भन्नुभएको थियो,’ तामाङले भने, ‘केपी ओलीले मलाई राज्यमन्त्री बनाएको होइन, मलाई कांग्रेस पार्टीले बनाएको हो, प्रधानमन्त्रीले माग्दैमा मैले किन राजीनामा दिने भनेर गृहमन्त्रीजीलाई भनेको थिएँ।’
कांग्रेस पार्टीले राजीनामा दिनु भनेका खण्डमा मात्रै आफूले राज्यमन्त्रीबाट राजीनामा दिने कुरा उनले गृहमन्त्रीलाई बताएका थिए। ‘मैले राजीनामा दिन्न भनेको थिएँ, हटाए होलान्, मलाई थाहा पनि छैन,’ उनले भने।राज्यमन्त्रीबाट हटाएको अद्यावधिक विवरण राष्ट्रपति कार्यालयको विज्ञप्तिमा आइसकेको विषय उल्लेख गरेपछि तामाङले आफूलाई हटाउनुका कारण खुलाए। ‘मैले कुलमान घिसिङको पक्षमा बोलिदिएको थिएँ, हटाउन हुन्न भनेर मैले भनिदिएको हो,’ उनले भने, ‘सभापति शेरबहादुर देउवाज्यू थाइल्याण्ड जाने बेला बिदाइ गर्न गएको थिएँ, त्यसबेला सभापतिले केही भन्नु भएन।’ त्यसभन्दा अघि नै परराष्ट्र मन्त्री आरजु राणा देउवाले भने आफूलाई केही सुझाव दिएको उनले बताए।‘परराष्ट्र मन्त्री आरजु राणाज्यूले चाहिँ तपाईं प्रधानमन्त्रीसँग माफी माग्न जानुस् भन्नुभएको थियो, यो कुलमान हट्नुभन्दा अघि कै कुरा हो,’ तामाङले भने, ‘केपी ओलीसँग माफी मागेर म मन्त्री खान्न भनेर भनिदिएको थिएँ।’
तामाङ २०७८ मा भएको कांग्रेसको १४ औं महाधिवेशनमा रामेछाप सभापति निर्वाचित भएका थिए।उनी सभापति शेरबहादुर देउवानिकट मानिन्छन्।२०७९ मंसिरमा भएको निर्वाचनमा उनी रामेछापबाट प्रतिनिधि सभा सदस्य निर्वाचित भएका थिए।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  दूरदर्शी नेतृत्वका धनी आईजीपी दानबहादुर कार्कीद्वारा रुपन्देहीका प्रहरी इकाइको निरीक्षण, प्रहरी कर्मचारी उत्साहित

• 

  एसएसपी कृष्ण कोइरालाद्वारा जिल्ला प्रहरी कार्यालय स्याङ्जाको निरीक्षण, प्रभावकारी अपराध अनुसन्धानमा जोड

• 

  डिआईजी विनोद घिमिरेद्वारा पदोन्नत प्रहरी कर्मचारीलाई दर्ज्यानी चिन्ह सुशोभन, उत्कृष्ट कार्यसम्पादनको निर्देशन

• 

  एआईजी ईश्वर कार्कीद्वारा बिदाइ तथा दर्ज्यानी चिन्ह सुशोभन कार्यक्रम सम्पन्न

• 

  प्रहरी महानिरीक्षक दान बहादुर कार्कीको प्रमुख आतिथ्यतामा शान्ति पदयात्रा तथा जनचेतनामूलक कार्यक्रम सम्पन्न

“जिम्मेवार चालक बनौँ, जरिवानाबाट बचौँ” विशेष सडक सचेतना अभियान उपत्यकाभरि सुरु — एसएसपी सुरेश काफ्ले

१६ घण्टा अगाडि

1.4kViews 214 Shares Share on Facebook Share on Twitter काठमाडौं । काठमाडौँ उपत्यकामा ट्राफिक नियम उल्लङ्घन न्यूनीकरण गर्ने उद्देश्यसहित उपत्यका…

स्मार्ट सेलको करिब पाँच अर्ब सम्पत्ति हिनामिना प्रकरणमा अनुसन्धान सुस्त, सीआईबीमाथि प्रश्न

१७ घण्टा अगाडि

काठमाडौं उपत्यकामा स्पा–मसाज सेन्टरको नाममा नाबालिकामाथि यौन शोषणको डरलाग्दो जालो : मानव बेचबिखनको संगठित स्वरूप उजागर

१७ घण्टा अगाडि

नेपालगञ्ज उपमहानगरपालिका वडा नम्बर १ को सार्बजनिक सुनुवाई सम्पन्न ,६ बुद्धे साझा सार्बजनिक प्रतिबद्धता घोषणा

१९ घण्टा अगाडि