भारतमाथि ऐतिहासिक जित निकाल्दै नेपाल

भारतमाथि ऐतिहासिक जित निकाल्दै नेपाल महिला साफ च्याम्पियनसिपको उपाधिनजिक पुगेको छ ।

दशरथ रंगशालामा आज भएको दोस्रो सेमिफाइनल खेलमा नेपालले पाँचपटकको साफ च्याम्पियन भारतलाई १–० ले हरायो । पाँचौँपटक फाइनल पुग्ने क्रममा नेपालले चिरप्रतिस्पर्धी भारतलाई पन्छाएको हो ।

यसअघि चारपटकसम्म फाइनल पुगेको नेपालले एकपटक पनि उपाधि जित्न सकेको छैन । महिला साफ च्याम्पियनसिपको इतिहासमा नेपालले भारतलाई हराएको यो नै पहिलोपटक हो ।

नेपालले अब उपाधिका लागि सोमबार बंगलादेशसँग खेल्नेछ । आजै भएको पहिलो सेमिफाइनलमा बंगलादेश भुटानलाई ८–० ले हराउँदै फाइनल पुगिसकेको छ ।

पहिलो हाफको अन्तिम मिनेटमा रश्मिकुमारी घिसिङले गरेको गोलले नै नेपालका लागि फाइनल पुर्यायो । प्रिति राईले निकै कडा मेहनत गरेर मिलाइदिएको क्रसलाई सदुपयोग गर्दै रश्मिले डिबक्सभित्रबाट बललाई जाली चुमाएकी थिइन् । रश्मिको त्यो उत्कृष्ट फिनिसिङ थियो ।

दोस्रो हाफमा भारतले खेलमा फर्कने निरन्तर प्रयास गरेको थियो । दोस्रो हाफमा नेपाली डिबक्स निकै व्यस्त देखिएको थियो । तर, नेपाली डिफेन्डरहरूले निकै उत्कृष्ट प्रदर्शन गर्दै भारतलाई खेलमा फर्कन दिएनन् ।

रंगशालामा उपस्थित करिब साढे सात हजार दर्शकले नेपाली खेलाडीलाई निरन्तर हौस्याएका थिए । नेपालसँगको पराजयपछि भारत महिला साफमा उपाधिको डबल ह्याट्रिक गर्ने अवसरबाट बञ्चित भएको छ । यसअघिका सबै पाँच संस्करण भारतले जितेको थियो ।
नेपाल भने चारपटकसम्म फाइनल पुगेर पनि उपाधि उचल्न सफल भएको छैन । यस्तोमा आजको जित नेपालका लागि विशेष महत्वको रह्यो ।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  आईजीपी दानबहादुर कार्कीको प्रमुख आतिथ्यमा प्रहरी कार्य समीक्षा सम्मेलन–२०८३ उद्घाटन

• 

  क्यासिनो डकैती प्रकरण : नाइके धरौटीमा रिहा, अदालतमा ‘बेन्च सेटिङ’ प्रयासको आरोप

• 

  जथाभावी लगानीः एकातिर जीवनभरको कमाई स्वाहा, अर्कोतिर कलिलै उमेरमा रोगको भारी र गुमाइँदै ज्यान

• 

  कालीमाटी बजारमा आजका लागि कृषिउपजको थोक मूल्य सार्वजनिक, गोलभेँडादेखि माछासम्म नयाँ दर निर्धारण

• 

  आँबुखैरेनीमा तेल ट्याङ्कर र ट्रक ठोक्किँदा सडक अवरुद्ध, दुई चालक घाइते

आज असार १० गते बुधबार,यस्तो छ तपाईको राशिफल

२३ घण्टा अगाडि

2.7kViews 126 Shares Share on Facebook Share on Twitter मेष- हरेक कामधन्दा र व्यवहारमा सरलताको अनुभूति हुनेछ । जीवनसाथीलाई फकाएर काम…

गृहमन्त्री बसेको होटलको खानामा अखाद्य वस्तु फेला, चितवनमा होटल अनुगमन तीव्र

१ दिन अगाडि

प्रहरी श्रीमती संघद्वारा बुटवलमा निःशुल्क स्वास्थ्य शिविर तथा सचेतनामूलक कार्यक्रम सम्पन्न

१ दिन अगाडि

बढुवासँगै नयाँ जिम्मेवारी : एसएसपी तुलबहादुर कार्कीद्वारा प्रहरीलाई दर्ज्यानी चिन्ह सु–शोभन

२ दिन अगाडि