आजको विदेशी मुद्रा विनिमय दर सार्वजनिक : अमेरिकी डलर १५३ रुपैयाँभन्दा माथि

काठमाडौँ । नेपाल राष्ट्र बैंकले आज (शनिबार) का लागि विदेशी मुद्राको विनिमय दर सार्वजनिक गरेको छ। राष्ट्र बैंकले निर्धारण गरेको दरअनुसार अमेरिकी डलरको मूल्य १५३ रुपैयाँभन्दा माथि कायम भएको छ।

आजका लागि अमेरिकी डलर एकको खरिददर १५३ रुपैयाँ २५ पैसा तथा बिक्रीदर १५३ रुपैयाँ ८५ पैसा निर्धारण गरिएको छ। यससँगै अन्तर्राष्ट्रिय बजारमा डलरको प्रभाव नेपाली बजारमा पनि कायम रहेको देखिएको छ।

त्यस्तै, अष्ट्रेलियन डलर एकको खरिददर १०९ रुपैयाँ ७३ पैसा र बिक्रीदर ११० रुपैयाँ १६ पैसा तोकिएको छ भने क्यानेडियन डलर एकको खरिददर १११ रुपैयाँ ४७ पैसा र बिक्रीदर १११ रुपैयाँ ९१ पैसा कायम गरिएको छ।

युरोपियन युरोको मूल्य पनि उच्च रहेको छ। एक युरोको खरिददर १७८ रुपैयाँ ३८ पैसा र बिक्रीदर १७९ रुपैयाँ ८ पैसा निर्धारण गरिएको राष्ट्र बैंकले जनाएको छ। यस्तै, युके पाउन्ड स्टर्लिङ एकको खरिददर २०४ रुपैयाँ ९५ पैसा र बिक्रीदर २०५ रुपैयाँ ७५ पैसा पुगेको छ।

राष्ट्र बैंकका अनुसार विनिमय दर आवश्यकताअनुसार जुनसुकै समयमा संशोधन हुन सक्नेछ। साथै, वाणिज्य बैंकहरूले निर्धारण गर्ने विनिमय दर भने फरक हुन सक्ने जनाइएको छ। अद्यावधिक विनिमय दर राष्ट्र बैंकको आधिकारिक वेबसाइटमा हेर्न सकिनेछ।

Facebook Comments Box