ट्रम्पपछि पुटिन चीनमा, सी चिनफिङसँग उच्चस्तरीय वार्ता हुने

एजेन्सी । रुसका राष्ट्रपति भ्लादिमिर पुटिन दुईदिने औपचारिक भ्रमणका लागि चीन पुगेका छन्। बेइजिङ विमानस्थलमा उनलाई चीनका विदेशमन्त्री वाङ यीले स्वागत गरेका हुन्।

भ्रमणका क्रममा पुटिनले चीनका राष्ट्रपति सी चिनफिङसँग उच्चस्तरीय भेटवार्ता गर्ने कार्यक्रम रहेको छ। दुई नेताबीच द्विपक्षीय सम्बन्ध, व्यापार विस्तार, रणनीतिक सहकार्य तथा वर्तमान विश्वव्यापी राजनीतिक अवस्थाबारे विस्तृत छलफल हुने बताइएको छ।

चीनको विदेश मन्त्रालयका अनुसार भेटमा क्षेत्रीय तथा अन्तर्राष्ट्रिय मुद्दाहरू पनि प्रमुख एजेन्डा रहनेछन्। रुस–चीन सम्बन्धलाई अझ सुदृढ बनाउने विषयमा विशेष जोड दिइने जनाइएको छ।

अमेरिकी राष्ट्रपति डोनाल्ड ट्रम्पको हालैको चीन भ्रमणपछि पुटिनको यो भ्रमणलाई अन्तर्राष्ट्रिय कूटनीतिक रूपमा महत्वपूर्ण मानिएको छ।

भ्रमणका क्रममा पुटिनले चीनका प्रधानमन्त्री ली केकियाङसँग पनि भेट गर्ने सम्भावना रहेको जनाइएको छ।

Facebook Comments Box