काठमाडौं सहकारी संकट: १० हजारसम्म फिर्ता वितरणपछि कार्यालयमा भीड, वास्तविकता भने सीमित राहत

काठमाडौं । काठमाडौंको बुद्धनगरस्थित समस्याग्रस्त सहकारी व्यवस्थापन समितिको कार्यालयमा पछिल्ला दिनहरूमा बचतकर्ताको भीड बढ्दै गएको छ। १० हजार रुपैयाँसम्म बचत फिर्ता भइरहेको भन्ने जानकारी बाहिरिएपछि “हामीले पनि पाउँछौं कि?” भन्दै सर्वसाधारण कार्यालय पुग्न थालेका हुन्।

तर समितिको तथ्यांक र वितरणको वास्तविक अवस्था हेर्दा हालको राहत कार्यक्रम अत्यन्त सीमित दायरामा मात्र लागू भएको देखिन्छ।

सीमित दायरामा सुरु भएको बचत फिर्ता

भूमि व्यवस्था, सहकारी तथा गरिबी निवारण मन्त्रालयअन्तर्गतको ले हालसम्म तीन सहकारीका ६८२ बचतकर्तालाई मात्र रकम फिर्ता गरेको जनाएको छ।

पहिलो चरणमा ३७८ जनाले रकम पाएका थिए भने दोस्रो चरणमा थप ३०४ जनालाई भुक्तानी गरिएको हो।

तर यी वितरणका बाबजुद हालसम्म फिर्ता गरिएको कुल रकम करिब ३० लाख ४९ हजार रुपैयाँ मात्र रहेको समितिको तथ्यांकले देखाउँछ।

१० हजारभन्दा कम बचत मात्र फिर्ता

समितिले लागू गरेको मापदण्डअनुसार १० हजार रुपैयाँभन्दा कम बचत भएका खातावालाहरूलाई मात्र हाल भुक्तानी गरिएको छ।

यसका कारण धेरै बचतकर्ताले आफ्नो नाम सूचिमा नपरेको भन्दै निराश भएर फर्किनु परेको छ।

उदाहरणका लागि, ९,९०० रुपैयाँसम्म दाबी भएकाहरूले पूरा रकम पाए पनि १०,१०० रुपैयाँ भएका बचतकर्ताले हालसम्म कुनै भुक्तानी पाएका छैनन्।

कुन सहकारीमा कति फिर्ता भयो?

समितिका अनुसार हालसम्म केही सहकारीमा अत्यन्त न्यून रकम मात्र फिर्ता गरिएको छ—

कान्तिपुर सहकारी: २१५ जनालाई ९ लाख ८९ हजार ७१५ रुपैयाँ
पशुपति सेभिङ एन्ड क्रेडिट को–अपरेटिभ: ७ जनालाई ४१ हजार ४६५ रुपैयाँ
कृषि विकास बहुद्देश्यीय सहकारी: ८८ जनालाई ५ लाख १३ हजार ६४९ रुपैयाँ
शिवशिखर बहुउद्देश्यीय सहकारी: २१६ जनालाई १० लाख ९९ हजार १८७ रुपैयाँ
नागरिक कल्याण (हाल आइडल यमुना सहकारीमा गाभिएको): ६ जनालाई ३७ हजार रुपैयाँ

यी वितरणहरू साना रकम र सीमित लाभग्राहीमा मात्र केन्द्रित छन्।

७६ हजार बचतकर्ता अझै प्रतिक्षामा

समितिको तथ्यांकअनुसार करिब ७६ हजार बचतकर्ताको करिब ४६ अर्ब रुपैयाँ बराबरको रकम फिर्ता गर्न बाँकी छ।

संसदीय समितिले अघिल्लो कार्यकालमा मात्र ४० सहकारीमा करिब ८७ अर्ब रुपैयाँ फसेको उल्लेख गरेको थियो। हाल झण्डै ४०० सहकारी समस्याग्रस्त अवस्थामा रहेको अनुमान छ, जसले कुल फसेको रकम अझै ठूलो हुन सक्ने देखिन्छ।

ऋण असुलीमा कमजोर प्रगति

वैशाख महिनामा मात्र करिब २ करोड १७ लाख रुपैयाँ ऋण असुली भएको छ, जुन कुल दाबी रकमको करिब ०.४३ प्रतिशत मात्र हो।

विश्लेषणअनुसार यही गति कायम रहे सम्पूर्ण बचत फिर्ता गर्न दशकौँ लाग्न सक्ने देखिन्छ।

व्यवस्थापन समिति के भन्छ?

समितिका शाखा अधिकृत अर्जुन पौडेलका अनुसार बचतकर्ताको रकम उनीहरूको बैंक खातामै भुक्तानी भइरहेको छ।

“यहाँ आएर लिनु पर्ने होइन, सिस्टममै रहेको खातामा पैसा हालिन्छ,” उनले बताए।

हाल समितिसँग करिब ५० करोड रुपैयाँको चक्रीय कोष र ३५ करोड रुपैयाँ मौज्दात रहेको जनाइएको छ।

त्यसैले ,

बचत फिर्ता सुरु भएको खबरले अपेक्षा बढाए पनि वास्तविक लाभ सीमित दायरामा मात्र देखिएको छ। यसले एकातर्फ आशा जगाएको छ भने अर्कोतर्फ ठूलो संख्यामा रहेका बचतकर्तामा निराशा पनि बढाएको छ।

Facebook Comments Box