सिम्रौनगढ सीमामा तस्करीको आरोप: मलदेखि दैनिक उपभोग्य वस्तुसम्म अवैध ओसारपसार, स्थानीयमा गम्भीर चिन्ता

बारा । बारा जिल्लाको सिम्रौनगढ क्षेत्रअन्तर्गत पर्ने गोलागंज, कवलपुर, इनर्वास, मौवाई, पथलवाघाट र झरओखरलगायत सीमावर्ती नाकाबाट कपडा, किराना, माछा, फूल तथा रासायनिक मलको व्यापक अवैध ओसारपसार भइरहेको आरोप स्थानीयवासीहरूले लगाएका छन्। सीमामा खटिएका सुरक्षा निकायको निगरानी प्रभावकारी नभएको भन्दै तस्करी मौलाएको गुनासोसमेत बढ्दै गएको छ।

स्थानीय स्रोतका अनुसार विभिन्न नाकामा फरक–फरक समूह सक्रिय छन्। कपडा, माछा, फूल तथा किराना सामग्रीको अवैध कारोबारमा केही व्यक्तिहरूको संलग्नता रहेको दाबी गरिए पनि सम्बन्धित पक्षबाट औपचारिक प्रतिक्रिया भने सार्वजनिक भएको छैन।

मल तस्करीमा बढ्दो चिन्ता

सबैभन्दा बढी चासो रासायनिक मलको अवैध कारोबारलाई लिएर देखिएको छ। नेपालमा देखिने नियमित मल अभावको अवस्थालाई अवसर बनाएर सीमावर्ती क्षेत्रमा मलको तस्करी बढेको स्थानीयको आरोप छ।

किसानहरूले आफ्नै प्रयोजनका लागि एक–दुई बोरा मल ल्याउँदा समेत अवरोध खेप्नुपर्ने तर ठूलो परिमाणमा मल ओसार्ने समूहले सहज रूपमा सीमा पार गर्ने गरेको गुनासो स्थानीय स्तरमा उठेको छ।

स्थानीय स्रोतका अनुसार भारततर्फ आधार कार्डका आधारमा करिब ३५० भारतीय रुपैयाँमा मल उपलब्ध हुने भए पनि नेपालतर्फ यसको मूल्य ५०० रुपैयाँभन्दा बढी पर्ने र बजारमा प्रतिवोरा करिब २ हजार रुपैयाँसम्म पुग्ने गरेको बताइन्छ। यही मूल्य अन्तरले सीमावर्ती क्षेत्रमा मल तस्करी आकर्षक कारोबार बनेको दाबी गरिएको छ।

त्यस्तै, मोटरसाइकलमार्फत एकैपटक ५–६ बोरा मलसम्म ओसारपसार हुने र निश्चित रकम बुझाएर सहजै सीमा पार गराइने गरेको आरोपसमेत स्थानीयले लगाएका छन्।

व्यवसायी प्रभावित, बजारमा असन्तुलन

अवैध रूपमा भित्रिने सस्तो सामानका कारण कर तिरेर वैध रूपमा व्यवसाय सञ्चालन गरिरहेका व्यापारीहरू प्रत्यक्ष प्रभावित भएको गुनासो छ। उनीहरूका अनुसार अवैध कारोबारका कारण बजारमा अस्वस्थ प्रतिस्पर्धा सिर्जना भई वैध व्यापार जोखिममा परेको छ।

सुरक्षा निकायको भूमिकामाथि प्रश्न

इलाका प्रहरी कार्यालय सिम्रौनगढको भूमिकालाई लिएर पनि स्थानीय तहमा प्रश्न उठ्न थालेका छन्। लामो समयदेखि काजमा कार्यरत प्रहरी निरीक्षकको पुनः त्यही क्षेत्रमा स्थायी जिम्मेवारी दिइनु अस्वाभाविक भएको भन्दै चासो व्यक्त गरिएको छ।

यस विषयमा स्थानीयले गृहमन्त्रालय, प्रहरी प्रशासन तथा सशस्त्र प्रहरी बललगायत निकायबाट प्रभावकारी अनुगमन र निष्पक्ष छानबिनको माग गरेका छन्।

छानबिनको माग

स्थानीय सरोकारवालाहरूका अनुसार सीमावर्ती क्षेत्रमा भइरहेको अवैध कारोबारले राज्यको राजस्व, वैध व्यापार र कृषि अर्थतन्त्रमा गम्भीर असर पारेको छ। यदि आरोपहरू सत्य ठहरिएमा संगठित तस्करी सञ्जालको खुलासा हुन सक्ने भन्दै उनीहरूले कडाइका साथ नियन्त्रणको माग गरेका छन्।

हालका लागि स्थानीय तहको प्रमुख प्रश्न भने यथावत् छ—सिम्रौनगढ सीमा तस्करहरूको सहज मार्ग बनेको हो वा राज्य संयन्त्रले त्यसलाई प्रभावकारी रूपमा नियन्त्रण गर्न सक्षम छ?

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  आईजीपी दानबहादुर कार्कीको प्रमुख आतिथ्यमा प्रहरी कार्य समीक्षा सम्मेलन–२०८३ उद्घाटन

• 

  क्यासिनो डकैती प्रकरण : नाइके धरौटीमा रिहा, अदालतमा ‘बेन्च सेटिङ’ प्रयासको आरोप

• 

  जथाभावी लगानीः एकातिर जीवनभरको कमाई स्वाहा, अर्कोतिर कलिलै उमेरमा रोगको भारी र गुमाइँदै ज्यान

• 

  कालीमाटी बजारमा आजका लागि कृषिउपजको थोक मूल्य सार्वजनिक, गोलभेँडादेखि माछासम्म नयाँ दर निर्धारण

• 

  आँबुखैरेनीमा तेल ट्याङ्कर र ट्रक ठोक्किँदा सडक अवरुद्ध, दुई चालक घाइते

आज असार १० गते बुधबार,यस्तो छ तपाईको राशिफल

१० घण्टा अगाडि

2.5kViews 126 Shares Share on Facebook Share on Twitter मेष- हरेक कामधन्दा र व्यवहारमा सरलताको अनुभूति हुनेछ । जीवनसाथीलाई फकाएर काम…

गृहमन्त्री बसेको होटलको खानामा अखाद्य वस्तु फेला, चितवनमा होटल अनुगमन तीव्र

२२ घण्टा अगाडि

प्रहरी श्रीमती संघद्वारा बुटवलमा निःशुल्क स्वास्थ्य शिविर तथा सचेतनामूलक कार्यक्रम सम्पन्न

२२ घण्टा अगाडि

बढुवासँगै नयाँ जिम्मेवारी : एसएसपी तुलबहादुर कार्कीद्वारा प्रहरीलाई दर्ज्यानी चिन्ह सु–शोभन

१ दिन अगाडि