सागरशम्शेर राणा प्रकरण: जिम्मेवारीबाट पन्छिन खोज्ने प्रवृत्तिमाथि प्रश्न

मधेश प्रदेश प्रहरीभित्र पछिल्लो समय देखिएको विवादले केवल एउटा व्यक्ति वा पदाधिकारीमाथिको आरोप–प्रत्यारोप मात्र उजागर गरेको छैन, यसले समग्र सुरक्षा संयन्त्रभित्र जिम्मेवारी, पारदर्शिता र अनुशासनको प्रश्नलाई सतहमा ल्याएको छ। विशेषतः वरिष्ठ सई सागरशम्शेर राणासम्बन्धी प्रकरणले गम्भीर चिन्ता उत्पन्न गरेको छ।

प्रहरी संगठन कुनै व्यक्तिगत स्वार्थ पूरा गर्ने थलो होइन, न त यसलाई आन्तरिक असन्तुष्टि पोख्ने माध्यम बनाइनु पर्छ। यदि कुनै अधिकारीमाथि आरोप लाग्छ भने त्यसको समाधान विधि, प्रक्रिया र प्रमाणका आधारमा हुनुपर्छ। तर, पछिल्ला घटनाक्रम हेर्दा केही व्यक्तिहरूले सामाजिक सञ्जाल, अडियो–भिडियो सामग्री र अपुष्ट सूचनालाई हतियार बनाएर संगठनमै अविश्वासको वातावरण सिर्जना गर्न खोजेको देखिन्छ।

सागरशम्शेर राणाको सन्दर्भमा उठेका विषयहरू अनुसन्धानको दायरामा छन् भन्ने कुरा आफैंमा सकारात्मक हो। तर, अनुसन्धान नटुंगिँदै सार्वजनिक रूपमा विभिन्न सामग्री फैलाएर आफूलाई निर्दोष देखाउने वा अरूलाई दोषारोपण गर्ने प्रयास गम्भीर प्रश्नको विषय हो। यस्तो प्रवृत्तिले सत्यको खोजीलाई सहयोग गर्दैन, बरु भ्रम र अविश्वास बढाउँछ।

यता, प्रदेश प्रहरी प्रमुखमाथि नै योजनाबद्ध रूपमा बदनाम गर्ने प्रयास भइरहेको दाबी पनि त्यत्तिकै गम्भीर छ। यदि वास्तवमै माफिया, तस्कर र बिचौलियाहरूको चलखेल रोकिँदा यस्ता गतिविधि बढेका हुन् भने त्यो सुरक्षा निकायका लागि चुनौती मात्र होइन, कडाइका साथ सामना गर्नुपर्ने परिस्थिति हो। तर, यसबीच संगठनभित्रैबाट असहयोग वा विवाद सिर्जना हुनु अझ चिन्ताजनक पक्ष हो।

सुरक्षा निकायमा काम गर्ने प्रत्येक अधिकारीको पहिलो कर्तव्य संगठनको गरिमा जोगाउनु हो। व्यक्तिगत असन्तुष्टि वा स्वार्थका लागि संगठनलाई कमजोर बनाउने प्रयास कुनै पनि हालतमा स्वीकार्य हुन सक्दैन। सागरशम्शेर राणाले पनि यही मापदण्डमा आफूलाई उभ्याउनुपर्ने देखिन्छ। यदि उनीमाथि लागेका आरोपहरू गलत छन् भने त्यसलाई कानुनी र संस्थागत प्रक्रियाबाट खण्डन गर्नुपर्छ, न कि अप्रत्यक्ष प्रचारबाजीमार्फत।

अन्ततः, यो प्रकरणले एउटा स्पष्ट सन्देश दिन्छ—प्रहरी संगठनभित्र अनुशासन र पारदर्शिता कमजोर हुन थाले भने त्यसको असर सीधै शान्ति सुरक्षामा पर्छ। त्यसैले, तथ्यमा आधारित निष्पक्ष अनुसन्धान, दोषीलाई कारबाही र निर्दोषलाई न्याय—यही मार्ग अपनाउनु अहिलेको आवश्यकता हो।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  गृह मन्त्रालयद्वारा नेपाल प्रहरी र सशस्त्र प्रहरीको विधेयक एकसाथ अघि बढाउने तयारी

• 

  आइजीपी दानबहादुर कार्कीः शान्ति सुरक्षा सबैको सामूहिक प्रयासबाट मात्र सम्भव

• 

  आज असार २ गते मंगलबार, यस्तो छ तपाईको राशिफल राशिफल

• 

  दूरदर्शी नेतृत्वका धनी आईजीपी दानबहादुर कार्कीद्वारा रुपन्देहीका प्रहरी इकाइको निरीक्षण, प्रहरी कर्मचारी उत्साहित

• 

  एसएसपी कृष्ण कोइरालाद्वारा जिल्ला प्रहरी कार्यालय स्याङ्जाको निरीक्षण, प्रभावकारी अपराध अनुसन्धानमा जोड

डिआईजी विनोद घिमिरेद्वारा पदोन्नत प्रहरी कर्मचारीलाई दर्ज्यानी चिन्ह सुशोभन, उत्कृष्ट कार्यसम्पादनको निर्देशन

१५ घण्टा अगाडि

1.1kViews 456 Shares Share on Facebook Share on Twitter विराटनगर । कोशी प्रदेश प्रहरी कार्यालयका प्रमुख प्रहरी नायव महानिरीक्षक (डिआईजी)…

एआईजी ईश्वर कार्कीद्वारा बिदाइ तथा दर्ज्यानी चिन्ह सुशोभन कार्यक्रम सम्पन्न

१५ घण्टा अगाडि

प्रहरी महानिरीक्षक दान बहादुर कार्कीको प्रमुख आतिथ्यतामा शान्ति पदयात्रा तथा जनचेतनामूलक कार्यक्रम सम्पन्न

१९ घण्टा अगाडि

“जिम्मेवार चालक बनौँ, जरिवानाबाट बचौँ” विशेष सडक सचेतना अभियान उपत्यकाभरि सुरु — एसएसपी सुरेश काफ्ले

२३ घण्टा अगाडि