लागुऔषध कारोबारमा संलग्न १३ जना पक्राउ : ट्रामाडोलसहित ठूलो परिमाणमा लागूऔषध बरामद

काठमाडौं । नेपाल प्रहरीको लागुऔषध नियन्त्रण ब्यूरो, कोटेश्वरले ठूलो परिमाणमा लागूऔषध कारोबारमा संलग्न रहेको आरोपमा १३ जनालाई पक्राउ गरेको छ।

ब्यूरोका अनुसार काठमाडौंको टोखा र चन्द्रागिरिमा फार्महाउस सञ्चालन गर्दै आएका व्यक्तिहरूले भारतबाट लागूऔषध खरिद गरी ल्याएर फार्महाउस परिसरको जमिनमा खाडल बनाएर लुकाई बिक्री वितरण गर्दै आएको खुलेको छ।

जेठ २७ देखि ३१ गतेसम्म गरिएको छापामार कारबाहीमा २ लाख ९ हजार क्याप्सुल ट्रामाडोल, बुप्रेनोर्फिन, डाइजेपाम र फेनारगन २ हजार ४ सय एम्पुल तथा ७ लाख ८७ हजार ५ सय रुपैयाँ नगदसहित २८ थान मोबाइल बरामद गरिएको ब्यूरोले जनाएको छ।

पक्राउ पर्नेहरूमा नुवाकोट किस्पाङ–२ का निमा तामाङ (२२), किस्पाङ–२ का विक्रम लामा (२३), रुपन्देही बुटवल–७ का सागर बुढाथोकी (२९), भक्तपुर मध्यपुर ठिमी–४ का उद्धव श्रेष्ठ (४५), भक्तपुर चाँगुनारायण–७ का विकास काफ्ले (२७), सिन्धुली फिक्कल–४ की माया विशड्खे (३२), कालीकोट पलाता–३ का खड्क रोकाया (२६), कालीकोट पलाता–३ की कमला थामी (२७), बाजुरा स्वामिकार्तिक खापर–१ की मेनुका थामी (२९), बारा जितपुर सिमरा–७ का प्रदीप (सञ्जय साह सोनार) (३४), पर्सा बहुदरमाई–९ का प्रमोदप्रसाद कलवार (३६), काठमाडौं–१६ की मोनिका श्रेष्ठ (४०) र काठमाडौं–७ की सुशीला महर्जन (२९) रहेका छन्।

प्रहरीले उनीहरूमाथि थप अनुसन्धान भइरहेको जनाएको छ।

Facebook Comments Box