न्यूजिल्यान्डमाथि ३–१ को जितसँगै इजिप्ट विश्वकप समूह जीको शीर्ष स्थानमा

इजिप्ट — विश्वकप फुटबल २०२६ अन्तर्गत समूह जीको खेलमा इजिप्टले न्यूजिल्यान्डलाई ३–१ ले पराजित गर्दै शीर्ष स्थान कब्जा गरेको छ। पहिलो हाफमा पछि परेको अवस्था उल्टाउँदै इजिप्टले दोस्रो हाफमा शानदार पुनरागमन गरेको हो।

खेलको सुरुवातदेखि नै आक्रामक देखिएको न्यूजिल्यान्डले पहिलो हाफमा फिन सम्र्यानको हेडर गोलमार्फत १–० को अग्रता बनाएको थियो। पहिलो हाफमा इजिप्ट केही दबाबमा देखिए पनि दोस्रो हाफमा टोलीले खेलको गति परिवर्तन गर्‍यो।

दोस्रो हाफमा इजिप्टले लगातार आक्रमण गर्दै तीन गोल गर्‍यो। मोस्ताफा जिकोले बराबरी गोल गर्दै टोलीको पुनरागमन सुरु गरे भने स्टार खेलाडी मोहम्मद सलाह ले दोस्रो गोल गर्दै इजिप्टलाई २–१ को अग्रता दिलाए।

खेलको ८२औँ मिनेटमा ट्रेजेग्यूटले तेस्रो गोल थपेपछि इजिप्टको जित सुनिश्चित भयो। अन्तिम समयमा न्यूजिल्यान्डले गोल फर्काउने प्रयास गरे पनि इजिप्टका गोलरक्षकले उत्कृष्ट बचाउ गर्दै अग्रता जोगाए।

यो जितसँगै इजिप्ट विश्वकप २०२६ को समूह जीको शीर्ष स्थानमा पुगेको छ। टोलीका लागि यो सफलता प्रतियोगितामा महत्वपूर्ण उपलब्धिका रूपमा हेरिएको छ।

Facebook Comments Box