मस्कोतर्फ गइरहेका दर्जनौँ ड्रोन नष्ट, चार विमानस्थल केही समय बन्द

मस्को — रूसको राजधानी मस्कोतर्फ लक्षित करिब ६० वटा ड्रोन खसालिएपछि सोमबार मस्कोका चार प्रमुख विमानस्थल अस्थायी रूपमा बन्द गरिएको छ।

मस्कोका मेयर सर्गेई सोब्यानिन ले टेलिग्राममार्फत ५९ वटा ड्रोन नष्ट गरिएको जानकारी दिएका छन्। ती ड्रोन कहाँबाट प्रक्षेपण गरिएको हो भन्नेबारे उनले स्पष्ट उल्लेख गरेका छैनन्।

रूस–युक्रेनबीच जारी तनावका क्रममा युक्रेनी पक्षले रूसभित्र लक्षित ड्रोन आक्रमण गर्दै आएको बताइन्छ, जसको प्रतिक्रियास्वरूप यस्ता घटना भइरहेका छन्।

सुरक्षा कारण देखाउँदै मस्कोका चारै प्रमुख विमानस्थल केही समयका लागि बन्द गरिएको थियो। स्थानीय समयअनुसार बिहान ५:३९ बजे ती विमानस्थल पुनः सञ्चालनमा ल्याइएको रूसी उड्डयन अधिकारीहरूले जनाएका छन्।

Facebook Comments Box