सुनचाँदीको मूल्यमा लगातार वृद्धि, सुन तोलामा २ लाख ८८ हजार नाघ्यो

काठमाडौँ — हप्ताको पहिलो कारोबार दिनमा बढेको सुनचाँदीको मूल्य आज पनि वृद्धि भएको छ। नेपाल सुनचाँदी व्यवसायी महासङ्घका अनुसार सुनको मूल्य तोलामा १ हजार ४ सय रुपैयाँले बढ्दै २ लाख ८८ हजार ७ सय रुपैयाँ पुगेको छ।

हिजो पनि सुनको मूल्य तोलामा ६ रुपैयाँले बढेको थियो। तर यसअघि गत शुक्रबार भने सुनको मूल्यमा ठूलो गिरावट आएको थियो, जसमा तोलामै १० हजार रुपैयाँभन्दा बढीले घटेको थियो।

त्यस्तै, आज चाँदीको मूल्य पनि तोलामा ४० रुपैयाँले बढ्दै ४ हजार ७ सय ३० रुपैयाँ पुगेको महासङ्घले जनाएको छ। गत शुक्रबार चाँदीको मूल्य पनि तोलामा ३ सय ५ रुपैयाँले घटेको थियो।

यसरी पछिल्ला दिनहरूमा सुनचाँदीको मूल्यमा लगातार उतारचढाव देखिएको छ।

Facebook Comments Box