पश्चिम एसियाका लागि नेपाल एयरलाइन्सका विशेष उडान सञ्चालन गर्दै

काठमाडौं । नेपाल सरकारले पश्चिम एसिया क्षेत्रमा आवतजावत गर्ने नेपाली नागरिकहरूको यात्रा सहज बनाउन विशेष उडान सञ्चालन गर्ने भएको छ।

अप्रिल ३ देखि अप्रिल ५ सम्म राष्ट्रिय ध्वजावाहक नेपाल एयरलाइन्समार्फत विशेष उडान सञ्चालन गरिने निर्णय गरिएको हो। सरकारले हालको परिस्थितिलाई ध्यानमा राख्दै पश्चिम एसियामा रहेका तथा त्यहाँ जान चाहने नेपालीहरूको आवागमनलाई व्यवस्थित र सहज बनाउन यस्तो व्यवस्था गरेको जनाएको छ।

सम्बन्धित निकायका अनुसार, उक्त अवधिमा सञ्चालन हुने उडानहरूबाट आवश्यक परेका नेपाली नागरिकलाई प्राथमिकताका आधारमा सेवा प्रदान गरिनेछ। साथै यात्रुहरूको चाप तथा आवश्यकताअनुसार थप व्यवस्थापन गरिने जनाइएको छ।

सरकारले यात्रुहरूलाई आफ्नो यात्रा योजना अनुसार टिकट व्यवस्थापन गर्न र सम्बन्धित निकायसँग समन्वय गरेर मात्रै यात्रा गर्न अनुरोध गरेको छ।

Facebook Comments Box