नववर्ष २०८३ को अवसरमा आसरा सुधार केन्द्रमा शुभकामना आदानप्रदान, युवामा लागूपदार्थ दुव्र्यसन रोक्न अभिभावकको भूमिकामा जोड

काठमाडौं । नववर्ष २०८३ सालको अवसर पारेर रानीवारीस्थित आसरा सुधार केन्द्रमा शुभकामना आदानप्रदान कार्यक्रम सम्पन्न भएको छ। केन्द्रकी अध्यक्ष नबिना खत्री कार्कीको प्रमुख आतिथ्यमा आयोजित कार्यक्रममा विभिन्न क्षेत्रका सहभागीहरूबीच आत्मीयता साटासाट गरिएको थियो।

कार्यक्रममा नेपाल प्रहरी श्रीमती संघका पदाधिकारी, केन्द्रका कार्यकारिणी समिति सदस्य, उपचाररत सदस्य तथा उनका अभिभावक र कर्मचारीहरूको उल्लेख्य उपस्थिति रहेको थियो। सहभागीहरूले नयाँ वर्षको शुभकामना आदानप्रदान गर्दै सामाजिक सुधारमा सहकार्यको आवश्यकता औंल्याएका थिए।

सो अवसरमा अध्यक्ष कार्कीले युवामा बढ्दो लागूपदार्थ दुव्र्यसनप्रति चिन्ता व्यक्त गर्दै यसको प्रमुख कारण परिवारभित्रकै कमजोरी रहेको बताइन्। अभिभावकहरूको व्यावसायिक व्यस्तताका कारण सन्तानप्रति आवश्यक ध्यान नपुग्दा युवाहरू गलत बाटोतर्फ आकर्षित हुने अवस्था सिर्जना भएको उनको भनाइ थियो।

उनले परिवारभित्र समयमै उमेरजन्य तनाव र समस्याको सही व्यवस्थापन गर्न सके लागूपदार्थको कुलतबाट बच्न सकिने विश्वास व्यक्त गरिन्। साथै, आफ्ना सन्तानमाथि अत्यधिक अपेक्षा राख्ने र अरूसँग तुलना गर्ने प्रवृत्तिले उनीहरूमा मानसिक दबाब सिर्जना हुने र त्यसले दुव्र्यसनतर्फ धकेल्ने खतरा रहनेतर्फ सचेत गराइन्।

उपचाररत सदस्यहरूको पुनःस्थापनामा धैर्यता, अनुशासन र निरन्तर प्रयास आवश्यक रहेको उल्लेख गर्दै उनले भनिन्, “एकपटक कुलतमा फसेपछि बाहिर निस्कन असम्भव छैन, तर त्यसका लागि दृढ इच्छाशक्ति र परिवारको साथ अत्यन्त आवश्यक हुन्छ।”

कार्यक्रमले नववर्षको उल्लाससँगै समाजमा लागूपदार्थ दुव्र्यसन नियन्त्रणका लागि परिवार र समुदायको साझा जिम्मेवारी रहेको सन्देश प्रवाह गरेको छ।

जनरक्षा फोकस

थप सामाग्री

जेनजी आन्दोलनपछि नेपाल प्रहरीले पाएको दृढ नेतृत्व

दान बहादुर कार्की : संक्रमणकालमा प्रहरी संगठनलाई नेतृत्व प्रदान गर्ने सक्षम व्यक्ति

सुशीला ‘आमा’को सिफारिस अस्वीकार गर्ने गणपतिको स्वार्थ के हो ? कुकुर भुक्यो भनेर हात्ति लम्कन नछाडोस् !

समाज

थप सामाग्री

• 

  भारतमा “मे” महिनाभरि तीव्र उष्णलहरको चेतावनी, जनजीवन प्रभावित हुने संकेत

• 

  प्रधानमन्त्री शाहको बुद्ध जयन्ती सन्देशप्रति रक्षा बमको फरक धारणा

• 

  जग्गा धितो रोक्का–फुकुवा अब अनलाइनबाट, मालपोत धाउनु नपर्ने

• 

  पेट्रोल र डिजेल सस्तो, एलपी ग्यास तथा हवाई इन्धन महँगियो

• 

  बल्खुमा डोजर अभियान सुरु, सुकुमबासी व्यवस्थापनमा सरकार सक्रिय

वंशीघाट सुकुम्बासी बस्तीमा डोजर : कडा सुरक्षा, स्थानीय त्रसित

११ घण्टा अगाडि

2.5kViews 102 Shares Share on Facebook Share on Twitter काठमाडौँ । काठमाडौँ महानगरपालिका–टेकुस्थित वंशीघाटमा रहेको सुकुम्बासी बस्तीमा आज डोजर चलाइएको…

२५७०औँ बुद्ध जयन्ती : शान्ति, करुणा र सहअस्तित्वको सन्देशसहित विश्वभर भव्य रूपमा मनाइँदै

१३ घण्टा अगाडि

आज बैशाख १८ गते शुक्रबार,यस्तो छ तपाईको राशिफल

१३ घण्टा अगाडि

झापामा जंगली जनावरको आतंक : हात्ती र चितुवाका कारण बस्ती त्रसित

१४ घण्टा अगाडि