विश्व संकटबीच सामूहिक जिम्मेवारीमा जोड : पोर्ट लुइस सम्मेलनमा मन्त्री खनाल

काठमाडौं । परराष्ट्रमन्त्री शिशिर खनाल ले जलवायु परिवर्तन, समुद्री सुरक्षा चुनौती, आपूर्ति शृङ्खलामा अवरोध तथा बढ्दो असमानताजस्ता बहुआयामिक संकटहरूले विश्वलाई सामूहिक जिम्मेवारीतर्फ अघि बढ्न बाध्य बनाएको बताएका छन्।

हिन्द महासागर सम्मेलन को नवौँ संस्करणलाई पोर्ट लुइस मा सम्बोधन गर्दै मन्त्री खनालले नेपालका प्राथमिकता र दृष्टिकोण प्रस्तुत गरेका हुन्। ‘हिन्द महासागर शासनका लागि सामूहिक संरक्षकत्व’ विषयक सम्मेलनमा उनले द्वन्द्वका असर क्षेत्रीय सीमाभन्दा बाहिर फैलिँदै इन्धन मूल्य, आपूर्ति शृङ्खला र जनजीवनमा गम्भीर प्रभाव पारिरहेको बताए। उनका अनुसार हिन्द महासागर क्षेत्रको स्थिरता अब विश्व शान्तिसँग प्रत्यक्ष रूपमा जोडिएको छ।

मन्त्री खनालले सामूहिक संरक्षकत्वको अवधारणा हिमाल र महासागरको भविष्य एक–अर्कासँग अविच्छिन्न रूपमा जोडिएको यथार्थबाट सुरु हुने उल्लेख गरे। नेपाल संवादको साझेदार, भूपरिवेष्ठित राष्ट्रहरूको आवाज र पहाड–महासागरबीचको सेतु बन्न तयार रहेको उनले स्पष्ट पारे।

नेपाल र हिन्द महासागरबीचको ऐतिहासिक सम्बन्ध स्मरण गर्दै उनले प्राचीनकालदेखि हिमालदेखि महासागरसम्मका मार्गमार्फत व्यापार र विचारको आदानप्रदान हुँदै आएको बताए। हिन्दुकुश हिमालय क्षेत्र विश्वका अर्बौँ मानिसका लागि पानीको प्रमुख स्रोत भएको उल्लेख गर्दै उनले जलवायु परिवर्तनका कारण हिमनदी पग्लिने दर तीव्र बन्दै गएको र हिमताल विस्फोटको जोखिम बढिरहेको चेतावनी दिए। त्यस्तै हिन्द महासागरको तापक्रम वृद्धि र समुद्री सतह उक्लिँदा टापु राष्ट्रहरू उच्च जोखिममा परेको उनको भनाइ थियो।

यसै क्रममा मन्त्री खनालले मध्यपूर्वमा जारी द्वन्द्वले नेपालसहित विश्वलाई असर पारेको उल्लेख गरे। उक्त क्षेत्रमा एक नेपालीको ज्यान गएको र केही घाइते भएको जानकारी दिँदै उनले त्यहाँ रहेका लाखौँ नेपालीको सुरक्षालाई सरकारको प्रमुख प्राथमिकतामा राखिएको बताए। “मध्यपूर्वमा भइरहेका घटनाहरू नेपालका लागि टाढाका मात्र होइनन्,” उनले भने, “त्यहाँ रहेका नेपाली नागरिकको सुरक्षा हाम्रो पहिलो जिम्मेवारी हो।”

सम्मेलनमा एस जयशंकर सहित सार्क राष्ट्रका विदेशमन्त्रीहरूको समेत सहभागिता रहेको छ।

जनरक्षा फोकस

थप सामाग्री

जेनजी आन्दोलनपछि नेपाल प्रहरीले पाएको दृढ नेतृत्व

दान बहादुर कार्की : संक्रमणकालमा प्रहरी संगठनलाई नेतृत्व प्रदान गर्ने सक्षम व्यक्ति

सुशीला ‘आमा’को सिफारिस अस्वीकार गर्ने गणपतिको स्वार्थ के हो ? कुकुर भुक्यो भनेर हात्ति लम्कन नछाडोस् !

समाज

थप सामाग्री

• 

  भारतमा “मे” महिनाभरि तीव्र उष्णलहरको चेतावनी, जनजीवन प्रभावित हुने संकेत

• 

  प्रधानमन्त्री शाहको बुद्ध जयन्ती सन्देशप्रति रक्षा बमको फरक धारणा

• 

  जग्गा धितो रोक्का–फुकुवा अब अनलाइनबाट, मालपोत धाउनु नपर्ने

• 

  पेट्रोल र डिजेल सस्तो, एलपी ग्यास तथा हवाई इन्धन महँगियो

• 

  बल्खुमा डोजर अभियान सुरु, सुकुमबासी व्यवस्थापनमा सरकार सक्रिय

वंशीघाट सुकुम्बासी बस्तीमा डोजर : कडा सुरक्षा, स्थानीय त्रसित

११ घण्टा अगाडि

2.5kViews 102 Shares Share on Facebook Share on Twitter काठमाडौँ । काठमाडौँ महानगरपालिका–टेकुस्थित वंशीघाटमा रहेको सुकुम्बासी बस्तीमा आज डोजर चलाइएको…

२५७०औँ बुद्ध जयन्ती : शान्ति, करुणा र सहअस्तित्वको सन्देशसहित विश्वभर भव्य रूपमा मनाइँदै

१३ घण्टा अगाडि

आज बैशाख १८ गते शुक्रबार,यस्तो छ तपाईको राशिफल

१३ घण्टा अगाडि

झापामा जंगली जनावरको आतंक : हात्ती र चितुवाका कारण बस्ती त्रसित

१४ घण्टा अगाडि