बाजुरा–हुम्ला सीमा विवाद हिंसात्मक, ६ जना गम्भीर घाइते, हेलिकोप्टरबाट उद्धार

बाजुरा र हुम्लाको सीमा क्षेत्र रानीसैन–लाम्पाटा च्याचौरमा उत्पन्न सिमाना विवाद हिंसात्मक बन्दा ६ जना गम्भीर घाइते भएका छन् । घटनापछि केही घाइतेलाई हेलिकोप्टरमार्फत सुर्खेत लगेर उपचार गरिएको छ ।

लाम्पाटा क्षेत्रमा अस्थायी प्रहरी चौकी स्थापनाका लागि भवन निर्माणको काम अघि बढाइएपछि उक्त भूभाग आफ्नो जिल्लामा पर्ने भन्दै हुम्ला पक्षबाट विरोध भएको थियो । सुदूरपश्चिम प्रदेश सरकारले विनियोजन गरेको ४० लाख बजेटमार्फत प्रहरी चौकी निर्माणको तयारी भइरहेका बेला विवाद चर्किएको हो ।

निर्माण कार्य सुरु भएको केही दिनमै हुम्लाका स्थानीयले उक्त क्षेत्र आफ्नो भएको दाबी गर्दै निर्माण सामग्री फाल्ने र अवरोध गर्ने कार्य गरेका थिए ।

टोलीमाथि आक्रमण, दर्जनौं घाइते

मंगलबार बिहान करिब साढे १० बजे हिमाली गाउँपालिकाको टोली रानीसैनतर्फ जाँदै गर्दा हुम्लाको सर्केगाड र खार्पुनाथ क्षेत्रका स्थानीयको समूहले आक्रमण गरेको हो । करिब डेढ सय जनाको समूहले लाम्पाटामा पुगेको टोलीमाथि कुटपिट गरेको प्रत्यक्षदर्शीले बताएका छन् ।

घटनामा वडासदस्य पेमा गाराप गुरुङ, उनकी श्रीमती लक्ष्मी गुरुङ, नरबहादुर गुरुङ र मीनु कुँवर गम्भीर घाइते भएका छन् । उनीहरूलाई सिम्रिक एयरको हेलिकोप्टरमार्फत सुर्खेत पठाइएको जिल्ला प्रहरी कार्यालय बाजुराले जनाएको छ ।

त्यसैगरी प्रमुख प्रशासकीय अधिकृत कुलबहादुर थापा र प्रहरी सहायक हवल्दार महेश धामी पनि घाइते भएका छन् । उनीहरूको अवस्था सामान्य रहेको प्रहरीले जनाएको छ ।

स्थानीय विवाद र नियन्त्रणको आरोप

घाइते पक्षका अनुसार हुम्लाबाट आएका स्थानीयले लाम्पाटा क्षेत्रमा नियन्त्रण जमाएर घरसमेत कब्जा गरेका थिए । निर्माण कार्यमा संलग्न केही व्यक्तिलाई नियन्त्रणमा लिएर कुटपिट गरिएको पनि आरोप लगाइएको छ ।

घटनास्थलको भिडियोमा प्रमुख प्रशासकीय अधिकृतमाथि कुटपिट भइरहेको देखिएको बताइएको छ ।

धनगढी उपमहानगरको टोली पनि फिर्ता

साइपाल क्षेत्रको पर्यटन प्रवर्द्धनका लागि पुगेको धनगढी उपमहानगरपालिकाको टोलीलाई पनि स्थानीयले लाम्पाटाबाट फिर्ता पठाएका छन् । मेयर गोपाल हमाल नेतृत्वको टोली ‘हाम्रो सुदूरपश्चिम हामी चिनाउँछौँ’ अभियानअन्तर्गत त्यहाँ पुगेको थियो ।

स्थानीय अवरोधपछि टोलीले योजना अनुसारको भ्रमण रोक्दै फर्किएको जनाएको छ ।

ऐतिहासिक सीमा विवाद पुनः सतहमा

बाजुराको पूर्वी–उत्तरी क्षेत्रका हिमाली, स्वामीकार्तिक खापर, जगन्नाथ गाउँपालिका र बुढीनन्दा नगरपालिकाले लाम्पाटा, च्याचौर र रानीसैन क्षेत्र बाजुराकै भूभाग भएको दाबी गर्दै संयुक्त विज्ञप्ति जारी गरेका छन् ।

स्थानीय प्रशासनले घटनाको थप अनुसन्धान भइरहेको जनाएको छ । सीमा विवादका कारण पटक–पटक उत्पन्न हुने तनावले यस क्षेत्रको सुरक्षा र विकास गतिविधिमा असर पुगेको स्थानीयले बताएका छन् ।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  दूरदर्शी नेतृत्वका धनी आईजीपी दानबहादुर कार्कीद्वारा रुपन्देहीका प्रहरी इकाइको निरीक्षण, प्रहरी कर्मचारी उत्साहित

• 

  एसएसपी कृष्ण कोइरालाद्वारा जिल्ला प्रहरी कार्यालय स्याङ्जाको निरीक्षण, प्रभावकारी अपराध अनुसन्धानमा जोड

• 

  डिआईजी विनोद घिमिरेद्वारा पदोन्नत प्रहरी कर्मचारीलाई दर्ज्यानी चिन्ह सुशोभन, उत्कृष्ट कार्यसम्पादनको निर्देशन

• 

  एआईजी ईश्वर कार्कीद्वारा बिदाइ तथा दर्ज्यानी चिन्ह सुशोभन कार्यक्रम सम्पन्न

• 

  प्रहरी महानिरीक्षक दान बहादुर कार्कीको प्रमुख आतिथ्यतामा शान्ति पदयात्रा तथा जनचेतनामूलक कार्यक्रम सम्पन्न

“जिम्मेवार चालक बनौँ, जरिवानाबाट बचौँ” विशेष सडक सचेतना अभियान उपत्यकाभरि सुरु — एसएसपी सुरेश काफ्ले

१९ घण्टा अगाडि

1.4kViews 214 Shares Share on Facebook Share on Twitter काठमाडौं । काठमाडौँ उपत्यकामा ट्राफिक नियम उल्लङ्घन न्यूनीकरण गर्ने उद्देश्यसहित उपत्यका…

स्मार्ट सेलको करिब पाँच अर्ब सम्पत्ति हिनामिना प्रकरणमा अनुसन्धान सुस्त, सीआईबीमाथि प्रश्न

२० घण्टा अगाडि

काठमाडौं उपत्यकामा स्पा–मसाज सेन्टरको नाममा नाबालिकामाथि यौन शोषणको डरलाग्दो जालो : मानव बेचबिखनको संगठित स्वरूप उजागर

२० घण्टा अगाडि

नेपालगञ्ज उपमहानगरपालिका वडा नम्बर १ को सार्बजनिक सुनुवाई सम्पन्न ,६ बुद्धे साझा सार्बजनिक प्रतिबद्धता घोषणा

२२ घण्टा अगाडि