रातो नम्बर प्लेटका मोटरसाइकलबाट राइड सेयरिङ बन्द, अब कालो नम्बर प्लेट अनिवार्य

काठमाडौँ । सरकारले राइड सेयरिङ सेवामा प्रयोग हुने मोटरसाइकल तथा स्कुटरका लागि नयाँ व्यवस्था लागू गरेको छ। अब रातो नम्बर प्लेट भएका निजी दुईपाङ्ग्रे सवारी साधनले राइड सेयरिङ सेवा सञ्चालन गर्न नपाउने भएका छन्।

सरकारले आगामी आर्थिक वर्षका लागि ल्याएको आर्थिक ऐनमार्फत दुईपाङ्ग्रे सवारी साधनलाई समेत सार्वजनिक (भाडाका) सवारी साधनका रूपमा दर्ता गर्ने कानुनी व्यवस्था गरेको हो। यसअनुसार राइड सेयरिङ सेवामा प्रयोग हुने मोटरसाइकल तथा स्कुटरलाई भाडाका सवारी साधनका रूपमा दर्ता गरी कालो नम्बर प्लेट लिनुपर्नेछ।

प्रचलित यातायात व्यवस्था ऐन, २०४९ अनुसार भाडाका सवारी साधनलाई कालो नम्बर प्लेट प्रदान गर्ने व्यवस्था रहेको छ। हालसम्म भने अधिकांश राइड सेयरिङ सेवा रातो नम्बर प्लेट भएका निजी मोटरसाइकल तथा स्कुटरमार्फत सञ्चालन हुँदै आएका छन्।

नयाँ व्यवस्थासँगै राइड सेयरिङमा संलग्न दुईपाङ्ग्रे सवारी साधनले वार्षिक आयकरसमेत तिर्नुपर्नेछ। सरकारले यस्तो सवारी साधनका लागि वार्षिक ३ हजार रुपैयाँ आयकर निर्धारण गरेको छ।

यसबाहेक, राइड सेयरिङ सेवाबाट प्राप्त हुने प्रत्येक कारोबारमा ५ प्रतिशत कर लाग्ने व्यवस्था पनि गरिएको छ। सरकारले यस कदमलाई राइड सेयरिङ क्षेत्रलाई कानुनी दायरामा ल्याउने, राजस्व संकलन व्यवस्थित गर्ने तथा सेवा सञ्चालनलाई नियमन गर्ने प्रयासका रूपमा लिएको जनाएको छ।

नयाँ व्यवस्थासँगै नेपालमा सञ्चालन भइरहेका राइड सेयरिङ सेवाहरूले आफ्नो सेवा तथा सवारी साधनको दर्ता प्रक्रियामा आवश्यक परिवर्तन गर्नुपर्ने भएको छ। यसले राइड सेयरिङ व्यवसायलाई थप औपचारिक र व्यवस्थित बनाउने अपेक्षा गरिएको छ।

जनरक्षा फोकस

थप सामाग्री

वैदेशिक रोजगार ठगीको उजुरी अब घरबाटै अनलाइनमार्फत दर्ता गर्न सकिने

नेपालमा ‘सेल ब्रोडकास्ट’ प्रणाली लागू गर्ने तयारी, विपद्को सूचना अब मोबाइलमै साइरनसहित आउने

बाल सुधार गृहको अवस्था चिन्ताजनक, सुरक्षा जोखिम बढ्दो

समाज

थप सामाग्री

• 

  नेपालमा ‘सेल ब्रोडकास्ट’ प्रणाली लागू गर्ने तयारी, विपद्को सूचना अब मोबाइलमै साइरनसहित आउने

• 

  माकलबारीमा युवतीद्वारा आत्मदाह प्रयास, अवस्था गम्भीर

• 

  आज साउन ०४ गते सोमबार, यस्तो छ तपाईको राशिफल

• 

  रुकुम पूर्व केन्द्रबिन्दु भएर ५ म्याग्निच्युडको भूकम्प, वरपरका जिल्लामा धक्का महसुस

• 

  सत्ता, सामाजिक सञ्जाल र मिडिया नियन्त्रणको मोह : इतिहास दोहोर्‍याउने असफल प्रयास

बाढी–पहिरोको जोखिम बढेपछि सरकारको कडा निर्णय, जोखिम मूल्याङ्कनपछि मात्रै सवारी सञ्चालन

३ दिन अगाडि

2.7kViews 424 Shares Share on Facebook Share on Twitter काठमाडौं । देशभर मनसुन सक्रिय भएसँगै बाढी, पहिरो र डुबानको जोखिम…

भारी वर्षाको चेतावनी : २१ जिल्लामा बाढीको मध्यम जोखिम, कोसी ब्यारेजका ढोका खोल्ने तयारी

३ दिन अगाडि

देशभर मनसुनी प्रभाव कायम : आज र राति भारीदेखि अति भारी वर्षाको सम्भावना, बाढी–पहिरोको उच्च जोखिम

३ दिन अगाडि

गृहमन्त्रीको फिल्ड अपरेशन : सक्रियता कि जिम्मेवारीको सीमामाथिको हस्तक्षेप ?

४ दिन अगाडि