मधेस प्रदेशमा “तस्करीको जालो ” तोड्दै काठमाडौं भित्रिए डीआईजी गोविन्द थपलिया

काठमाडौं । मधेस प्रदेश प्रहरी प्रमुख रहँदा अवैध तस्करी तथा आपराधिक नेटवर्कविरुद्ध कडा अभियान चलाएर “सेटिङको जालो तोड्दै” डीआईजी गोविन्द थपलिया काठमाडौं फर्किएका छन्।

स्रोतहरूका अनुसार उनको कार्यकालमा मधेस प्रदेशमा सक्रिय रहेको भनिएको तस्करी नेटवर्कमाथि निरन्तर निगरानी र कडाइ गरिएको थियो। सोही अभियानका कारण विभिन्न प्रभावशाली समूहहरू असन्तुष्ट बनेको चर्चा समेत प्रहरी वृत्तभित्र सुनिन्छ।

उनी काठमाडौं फर्किएसँगै उनको कार्यशैली, निर्णय प्रक्रिया र सरुवा व्यवस्थापनलाई लिएर संगठनभित्र पुनः बहस चुलिएको छ।तस्कर र आफ्नै प्रहरी कर्मचारीको मिलोमतो बिच मधेसका आठ जिल्लामा हुने तस्करी आतंकलाई क्लिन स्वीप पार्दै काठमाडौं भित्रीएका डिआइजी थपलिया हाल उपत्यका प्रहरी कार्यालय रानीपोखरीमा कार्यरत छन।

प्रहरीभित्र केहीले उनलाई अवैध कारोबार नियन्त्रणमा सक्रिय र कठोर कदम चाल्ने अधिकृतका रूपमा व्याख्या गरेका छन् भने केहीले उनका निर्णयलाई लिएर फरक मत राख्दै आएका छन्।

यद्यपि, मधेस प्रदेशमा तस्करी नियन्त्रणमा उल्लेख्य प्रयास भएको दाबी गर्दै उनको नाम पुनः चर्चामा आएको छ।

हाल उक्त विषय संगठनभित्र “कडा नेतृत्व कि विवादित निर्णय?” भन्ने कोणबाट बहसको विषय बनेको छ। मधेस प्रदेश प्रहरी कार्यालयअन्तर्गत हालै भएको ३५ जना प्रहरी कर्मचारीको सरुवा निर्णयलाई लिएर संगठनभित्र चर्चा भइरहेका बेला तत्कालीन डीआईजी गोविन्द थपलियाको कार्यशैलीलाई लिएर सकारात्मक मूल्याङ्कन पनि गरिएको हो। राजनीतिक शक्ति ,सत्ता र पहुँचका भरमा पुरै कार्यकाल मधेस केन्द्रीत जागिरे जीवन बिताउने नेपाल प्रहरीका केही वरिष्ठ सईको उठौति- पुठौति धन्दामा समेत डिआइजी थपलियाले ब्रेक लगाइदिएका छन।

नेपाल प्रहरीकै बर्दीको आडमा तस्करीहरु सँग कुम जोड्दै दिन दुईगुणा रात चारगुणा आर्थिक नजरना कुम्ल्याउन व्यस्त केही सईहरुको कुकृत्य छताछुल्ल भएपछि सरुवा मात्रै होइन निलम्बनमा समेत परेका छन। ती निलम्बनमा परेका सई मध्ये केहीले बर्दीको आडमा आधा मधेसलाई त्रसित पार्दै आएको समेत आरोप छ।

यसरी मधेस प्रदेशमा कार्यरत प्रहरीहरुको सुक्ष्म अनुसन्धान गरिरहेका तत्कालीन मधेस प्रदेश प्रहरी प्रमुख गोविन्द थपलियाले वोल्ड डिसिजन लिँदै ” भाइरस ” हटाउ अभियान अन्तर्गत गत हप्ता केही प्रहरीहरुको सरुवा गरेका थिए। प्रहरी प्रधान कार्यालयको निर्देशनअनुसार भएको भनिएको उक्त सरुवा सूची मधेस प्रदेश प्रहरी कार्यालयबाटै जारी भएको थियो, जसमा प्रहरी वरिष्ठ नायब निरीक्षकदेखि प्रहरी जवानसम्मका ३५ जना कर्मचारी समेटिएका छन्।

संगठन स्रोतहरूका अनुसार सरुवा प्रक्रिया प्रहरी नियम र प्रशासनिक आवश्यकताअनुसार नै अघि बढाइएको हो। तत्कालीन जिम्मेवारीमा रहेका डीआईजी थपलियाले सरुवा सूची कार्यान्वयन गर्दा संगठनात्मक अनुशासन, जिम्मेवारी हस्तान्तरण र व्यवस्थापनलाई प्राथमिकतामा राखेको बताइन्छ।

डीआईजी थपलियाको नेतृत्वमा मधेस प्रदेशमा अवैध गतिविधि नियन्त्रण, विशेषगरी तस्करी नेटवर्कविरुद्ध कडाइ गरिएको प्रहरी वृत्तमा चर्चा छ। त्यही क्रममा संगठनभित्र अनुशासन सुदृढ गर्न तथा कार्यक्षमता वृद्धि गर्न उनले चालेका कदमलाई केही अधिकारीहरूले प्रभावकारी र परिणाममुखी नेतृत्वका रूपमा मूल्याङ्कन गरेका छन्।

सरुवा सूची उनकै कार्यकालमा जारी भए पनि यसलाई नियमित प्रशासनिक प्रक्रियाको हिस्सा मानिँदै संगठनभित्र कार्य निरन्तरता सुनिश्चित गरिएको बताइन्छ।

डीआईजी थपलियाले भने आफूविरुद्ध उठेका विभिन्न टिप्पणीहरूलाई अस्वीकार गर्दै प्रहरी संगठनको निर्देशनअनुसार नै काम गरिएको र अवैध गतिविधिविरुद्ध कडाइ गर्दा असन्तुष्ट पक्षबाट आलोचना आएको प्रतिक्रिया दिएका छन्।

उनको कार्यशैलीलाई लिएर प्रहरी वृत्तमा मिश्रित धारणा रहे पनि एक पक्षले उनलाई अनुशासन कायम गर्ने र अवैध गतिविधि नियन्त्रणमा सक्रिय भूमिका निभाउने अधिकृतका रूपमा सकारात्मक रूपमा मूल्याङ्कन गर्ने गरेका छन्।

हाल उक्त सरुवा प्रकरण संगठनभित्र प्रशासनिक प्रक्रियाको सामान्य अभ्यास हो वा विशेष परिस्थितिमा गरिएको निर्णय हो भन्ने विषयमा थप स्पष्टता आवश्यक रहेको सरोकारवालाहरूको भनाइ छ।

Facebook Comments Box