सुन तोलामा १,४०० रुपैयाँले बढ्यो, चाँदी पनि महँगियो

काठमाडौं । नेपाली बजारमा आज सुन र चाँदी दुवैको मूल्यमा वृद्धि भएको छ । नेपाल सुनचाँदी व्यवसायी महासंघका अनुसार सुन तोलामा एक हजार चार सय रुपैयाँले बढ्दै नयाँ रेकर्ड नजिक पुगेको छ भने चाँदीको मूल्य पनि सामान्य रूपमा उकालो लागेको छ ।

महासंघका अनुसार आज सुनको मूल्य तोलामा २ लाख ८८ हजार ७ सय रुपैयाँ कायम भएको छ । आइतबार सुन तोलामा २ लाख ८७ हजार ३ सय रुपैयाँमा कारोबार भएको थियो । एकै दिनको अन्तरमा सुनको मूल्यमा उल्लेख्य वृद्धि देखिएको हो ।

त्यस्तै, चाँदीको मूल्य पनि आज बढेको छ । चाँदी तोलामा ४० रुपैयाँले बढेर ४ हजार ७३० रुपैयाँमा कारोबार भइरहेको महासंघले जनाएको छ । आइतबार चाँदीको मूल्य ४ हजार ६९० रुपैयाँ थियो ।

विशेषगरी अन्तर्राष्ट्रिय बजारमा सुनको मूल्यमा भइरहेको उतारचढाव, अमेरिकी डलरको विनिमय दरमा परिवर्तन तथा स्थानीय माग–आपूर्तिको अवस्थाले नेपाली बजारमा समेत प्रभाव पारेको व्यवसायीहरूले बताएका छन् ।

पछिल्लो समय लगातारजसो सुनको मूल्य उच्च स्तरमा कायम रहँदै आएको छ, जसले आभूषण बजारमा कारोबार केही सुस्ताएको व्यवसायीहरूको भनाइ छ ।

Facebook Comments Box