मिटरब्याजी पीडकहरूलाई कानुन बनाएर नियन्त्रण गर्नुपर्छ: राष्ट्रिय सभा सदस्य शर्मा

काठमाडौँ । राष्ट्रिय सभा सदस्य मायाप्रसाद शर्माले मिटरब्याजीहरुलाई कानुन बनाएर नियन्त्रण गर्नुपर्ने बताएका छन् । आज राष्ट्रिय सभा बैठकको विशेष समयमा बोल्दै राष्ट्रिय सभा सदस्य शर्माले मिटरब्याजी पीडितहरू आन्दोलित भइरहेको उल्लेख गर्दै मिटरब्याजी पीडकहरूलाई कानुन बनाएर नियन्त्रण गर्नुपर्ने बताए । उनले पीडकहरूलाई प्रोत्साहित नगर्न सरकारलाई आग्रह गरे । शर्माले नेपाल राष्ट्रिय पुस्तकालयको व्यवस्थापनमा ध्यान दिन सरकारलाई अनुरोध पनि गर्नुभयो । त्यस्तै उनले द्वन्द्वकालीन घटनाहरूको सम्बन्धमा सङ्क्रमणकालीन न्यायको विधिबाट कानुन बनाएर मात्रै समस्या समाधान गर्नुपर्ने बताए । उनले राजनीतिक दलहरू सरकारमा जाँदा तत्कालीन माओवादीले गरेको आन्दोलनलाई क्रान्तिकारी देख्ने र सरकारमा नहुँदा आतङ्ककारी देख्ने प्रवृत्तिका कारण सङ्क्रमणकालीन न्यायको विषय बल्झिराखेको बताए ।

Facebook Comments Box