३७ यात्रुमध्ये २६ घाइते, ८ को अवस्था मध्यम

कपिलवस्तुमा बस दुर्घटना : २६ जना घाइते, ८ जनाको अवस्था मध्यम

कपिलवस्तु । कपिलवस्तुको शिवराज नगरपालिका–१ बनकसवासामा गएराति भएको बस दुर्घटनामा २६ जना यात्रु घाइते भएका छन् ।

पूर्व–पश्चिम राजमार्गअन्तर्गत नेपालगञ्जबाट काठमाडौँतर्फ जाँदै गरेको भे १ ख ४३७६ नम्बरको बस बिहीबार राति करिब १२:३० बजे आफैं अनियन्त्रित भई सडक छेउमा पल्टिएको जिल्ला प्रहरीले जनाएको छ ।

दुर्घटनामा बसमा सवार ३७ जनामध्ये २६ जना घाइते भएका छन् । घाइतेमध्ये ८ जनाको अवस्था मध्यम र १८ जनाको अवस्था सामान्य रहेको ट्राफिक इन्स्पेक्टर राजन ढकालले जानकारी दिए ।

घाइतेमध्ये १२ जना उपचारपछि डिस्चार्ज भई घर फर्किसकेका छन् भने बाँकी घाइतेहरूको उपचार जारी रहेको प्रहरीले जनाएको छ ।

प्रहरीका अनुसार दुर्घटनाको कारण हालसम्म खुल्न सकेको छैन । घटनाबारे थप अनुसन्धान भइरहेको छ ।

Facebook Comments Box