मन्त्रिपरिषद् बैठक सिंहदरबारमा सुरु, बजेट अधिवेशन आह्वानबारे छलफल हुने सम्भावना

काठमाडौं । प्रधानमन्त्री बालेन्द्र शाहको आह्वानमा मन्त्रिपरिषद् बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा सुरु भएको छ।

आज दिउँसो ३ बजेका लागि तय गरिएको बैठक केहीबेर अघिदेखि जारी रहेको छ। बैठकमा समसामयिक प्रशासनिक तथा नीतिगत विषयहरूमा विस्तृत छलफल हुने कार्यक्रम रहेको जनाइएको छ।

स्रोतका अनुसार आजको बैठकमा संघीय संसद्को आगामी बजेट अधिवेशन आह्वान गर्ने विषयसमेत एजेन्डामा समावेश हुन सक्ने सम्भावना छ। सरकारको आगामी आर्थिक वर्षको तयारीसँग जोडिएको यस विषयलाई विशेष प्राथमिकताका साथ उठाइने अपेक्षा गरिएको छ।

बैठकका निर्णयहरू सार्वजनिक भएपछि सरकारको आगामी नीति तथा कार्यक्रमबारे थप स्पष्टता आउने विश्वास गरिएको छ।

Facebook Comments Box