भारत–नेपाल सीमा विवादमा तेस्रो पक्षको भूमिका छैन : भारतीय विदेश मन्त्रालय

काठमाडौँ । नेपालका प्रधानमन्त्री बालेन्द्र शाहको सीमा सम्बन्धी अभिव्यक्तिप्रति प्रतिक्रिया जनाउँदै भारतीय विदेश मन्त्रालयले नेपाल–भारत सीमा विवाद समाधान दुईपक्षीय संयन्त्रमार्फत मात्रै हुने स्पष्ट पारेको छ ।

मन्त्रालयका प्रवक्ता रणधीर जैसवालले नियमित पत्रकार सम्मेलनमा बोल्दै नेपाल–भारत सीमाको करिब ९८ प्रतिशत हिस्सा पहिल्यै निर्धारण भइसकेको बताए। बाँकी रहेका सीमावर्ती विवादित क्षेत्रहरू पनि दुवै देशबीचको आपसी संवाद र स्थापित द्विपक्षीय संयन्त्रमार्फत समाधान गरिने उनले उल्लेख गरे।

जैसवालले सीमा सम्बन्धी विषयमा कुनै पनि तेस्रो पक्षको भूमिका नरहेको स्पष्ट पार्दै नेपाल–भारतबीचका यस्ता संवेदनशील विषयहरू मित्रवत् छलफल र आपसी समझदारीमै टुंग्याइने बताएका छन्।

Facebook Comments Box