इराक ४० वर्षपछि विश्वकपमा फर्किँदै, युद्ध र कठिन इतिहास पार गर्दै ऐतिहासिक यात्रा

काठमाडौं । युद्ध, राजनीतिक अस्थिरता र दशकौँको उतारचढावबीच इराकले ४० वर्षपछि दोस्रोपटक फिफा विश्वकप फुटबलमा स्थान पक्का गरेको छ। सन् १९८६ पछि पहिलोपटक विश्वकप यात्रा तय गर्दै इराकले अमेरिकामा हुने (अमेरिका, मेक्सिको र क्यानडाको संयुक्त आयोजना) प्रतियोगितामा पुनः उपस्थिति जनाउन लागेको हो।

प्ले–अफ खेलमा इराकले मेक्सिकोमा भएको खेलमा बोलिभियालाई स्तब्ध पार्दै विश्वकपको टिकट सुनिश्चित गरेको हो। सन् १९८६ मा पहिलोपटक विश्वकप खेलेको इराकले त्यसयता लामो प्रतीक्षा पछि पुनः विश्व मञ्चमा फर्किएको छ।

१९८६ को सम्झना र वर्तमान चुनौती

सन् १९८६ मा इराकका प्रमुख खेलाडीमध्ये करिम अलावी पनि थिए। त्यतिबेला इराक पाराग्वे, बेल्जियम र आयोजक राष्ट्रसँग पराजित हुँदै समूह चरणमै बाहिरिएको थियो। अहिले समर्थकका रूपमा विश्वकप हेर्ने तयारीमा रहेका अलावी भन्छन्, त्यो अनुभव प्रेरणा पनि हो र पाठ पनि।

“त्यतिबेला हामीले जित निकाल्न सक्थ्यौँ, तर युरोप र दक्षिण अमेरिकी टोलीविरुद्ध राम्रो प्रदर्शन गर्न सकेनौँ,” उनले भने, “यसपटक पनि समूह कठिन छ, तर हामी जितका लागि प्रयास गर्नेछौँ।”

इराक यसपटक नर्वे, फ्रान्स र सेनेगलसँग समूहमा परेको छ। टोलीले आफ्नो अभियान नर्वेविरुद्ध सुरु गर्नेछ।

कठिन समूह, तर अनुभवी टोली

करिब ४ करोड ६० लाख जनसंख्या भएको इराकलाई धेरैले कमजोर टोलीका रूपमा हेरे पनि टोलीमा युरोपेली लिगमा खेल्ने अनुभवी खेलाडीहरूको उपस्थिति बलियो पक्ष मानिएको छ।

नर्वेविरुद्धको खेलमा इराकले इंग्लिस प्रिमियर लिगका स्टार खेलाडी एर्लिङ हालान्डविरुद्ध सामना गर्नुपर्नेछ भने फ्रान्स र सेनेगललाई पनि विश्वस्तरीय प्रतिद्वन्द्वीका रूपमा हेरिएको छ।

पूर्व खेलाडी अल रिकावीका अनुसार, “९० मिनेटको खेलमा जसले राम्रो खेल्छ, जित उसैको हुन्छ। हामी अप्रत्याशित नतिजाका लागि तयार छौँ।”

युरोपेली अनुभवले दिएको आत्मविश्वास

इराकका खेलाडीहरू विभिन्न युरोपेली क्लबहरूमा आबद्ध छन्, जसले टोलीलाई उच्चस्तरीय अनुभव दिएको छ। अली अल हमादी इस्विच टाउनमा आबद्ध छन् भने जिदान इक्वाल हाल नेदरल्यान्ड्सको क्लबबाट खेलिरहेका छन्। केभिन याकोबले डेनमार्कको एजीएफसँग लिग उपाधि जितेका थिए।

प्रशिक्षक हिरिङ ग्राहम, जसले अष्ट्रेलियालाई अघिल्लो संस्करणमा दोस्रो चरणसम्म पुर्‍याएका थिए, यसपटक इराकलाई पहिलो चरण पार गराउने लक्ष्यसहित मैदानमा उतार्दै छन्।

युद्ध, दमन र पुनर्जागरणको कथा

इराकको फुटबल यात्रा केवल खेलकुदको कथा मात्र होइन, राजनीतिक इतिहाससँग पनि जोडिएको छ। सद्दाम हुसेनको शासनकालमा फुटबल गतिविधि कडा नियन्त्रणमा थियो। खेलाडीहरूलाई दण्ड, यातना र कठोर अभ्यासका घटनाहरूले लामो समय खेल विकास प्रभावित बनाएको बताइन्छ।

सन् २००३ मा सद्दाम शासनको पतनपछि इराकमा खेलकुद पुनः सक्रिय हुन थालेको हो। त्यसपछि फुटबलले विस्तारै आफ्नो लय समात्दै आज विश्वकपसम्मको यात्रा तय गरेको छ।

करिम अलावीका अनुसार, “त्यो समय कठिन थियो, तर अहिले खेलाडीहरूले स्वतन्त्र रूपमा खेल्न पाएका छन्। यही स्वतन्त्रताले इराकलाई यहाँसम्म ल्याएको हो।”

नयाँ आशा

४० वर्षपछि विश्वकपमा फर्किएको इराकका लागि यसपटक लक्ष्य केवल सहभागिता होइन, प्रतिस्पर्धात्मक प्रदर्शन हो। पूर्व खेलाडीहरूका अनुसार एक गोल वा सम्मानजनक नतिजा पनि ऐतिहासिक उपलब्धि मानिनेछ।

“जित मात्र होइन, प्रत्येक राम्रो प्रदर्शन नै इराकका लागि ठूलो सफलता हुनेछ,” अलावी भन्छन्।

इराक अहिले इतिहास, संघर्ष र आशाबीच फेरि एकपटक विश्व फुटबलको सबैभन्दा ठूलो मञ्चमा आफ्नो पहिचान बनाउन तयार छ।

जनरक्षा फोकस

थप सामाग्री

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

दान बहादुर कार्की : संक्रमणकालमा प्रहरी संगठनलाई नेतृत्व प्रदान गर्ने सक्षम व्यक्ति

समाज

थप सामाग्री

• 

  ठगी प्रकरणमा अनुसन्धान तीव्र, सामाजिक सञ्जालमार्फत प्रहरीमाथि आरोप लगाउँदै तुलसा अधिकारी

• 

  कार्यालय प्रमुखको जिम्मेवारी सम्हाल्ने एसएसपीहरूलाई आईजीपी कार्कीको निर्देशन

• 

  रंगेली प्रहरी कार्यालयमा सांसदलाई दिइएको ‘पिर्के सलामी’ विवादित, इन्स्पेक्टरमाथि छानबिन सुरु

• 

  सुरक्षा संयन्त्र र राजनीतिक नेतृत्वबीचको दूरी—प्रश्न प्रणालीगत हो, व्यक्तिक होइन

• 

  आईजीपी दानबहादुर कार्कीको निर्देशन : ‘प्रहरी जनविश्वासको आधार बन्नुपर्छ’

लमजुङमा ट्राफिक व्यवस्थापन र सडक सुरक्षा सुदृढीकरणबारे एसपी काफ्लेको अनुगमन तथा अन्तरक्रिया

१५ घण्टा अगाडि

1.7kViews 142 Shares Share on Facebook Share on Twitter लमजुङ । गण्डकी प्रदेश ट्राफिक प्रहरी कार्यालयका प्रमुख प्रहरी उपरीक्षक (एसपी)…

टिकटककर तुलसी अधिकारीसँग आज अदालतमा बयान

१ दिन अगाडि

यातायात क्षेत्रतिर पनि बालेन सरकारको ध्यान जाओस्

१ दिन अगाडि

भ्रष्टाचार हटाउने नै हो भने सबैको सम्पत्ति छानबिन गरौं,आयोग देखाएर जनताको आँखामा छारो नहालौं

१ दिन अगाडि