अत्यधिक गर्मीका कारण कञ्चनपुरका विद्यालय बन्द, बेदकोटमा ४ दिन र भीमदत्तमा १२ दिन बिदा

कञ्चनपुर । तराई क्षेत्रमा अत्यधिक गर्मी बढ्दै गएपछि कञ्चनपुरका स्थानीय तहहरूले विद्यालयहरूमा बिदा घोषणा गरेका छन्। विद्यार्थीहरूको स्वास्थ्य र सुरक्षालाई ध्यानमा राख्दै बेदकोट नगरपालिका र भीमदत्त नगरपालिकाले विद्यालय बन्द गर्ने निर्णय गरेका हुन्।

बेदकोट नगरपालिकाले मौसम प्रतिकूल बन्दै गएको र अत्यधिक गर्मीका कारण विद्यार्थीहरू प्रभावित हुन सक्ने अवस्थालाई मध्यनजर गर्दै नगरभित्र सञ्चालित सबै सामुदायिक तथा संस्थागत विद्यालयमा चार दिनका लागि बिदा दिएको छ। नगरपालिकाका प्रमुख प्रशासकीय अधिकृत हरिदत्त भट्टका अनुसार मङ्गलबारदेखि शुक्रबारसम्म विद्यालयहरू बन्द रहनेछन्।

यस्तै, भीमदत्त नगरपालिकाले पनि बढ्दो गर्मीका कारण विद्यालयमा पठनपाठन सञ्चालन गर्न कठिन हुने निष्कर्ष निकाल्दै १२ दिन बिदा दिने निर्णय गरेको छ। नगरपालिकाका प्रमुख प्रशासकीय अधिकृत महेशबहादुर बमका अनुसार असार ८ गतेदेखि असार १९ गतेसम्म गर्मी तथा वर्षे बिदालाई एकमुष्ट मिलाएर सामुदायिक र संस्थागत विद्यालय बन्द गरिनेछ।

पछिल्लो एक सातादेखि कञ्चनपुरसहित सुदूरपश्चिमका तराई क्षेत्रहरूमा तापक्रम उल्लेखनीय रूपमा बढेको छ। दिनभरि चर्को घाम लाग्ने र तातो हावा चल्ने क्रम बढेपछि जनजीवनसमेत प्रभावित बन्न थालेको छ। विशेषगरी विद्यालय जाने उमेरका बालबालिका, ज्येष्ठ नागरिक तथा दीर्घरोगीहरू गर्मीको उच्च जोखिममा पर्ने भएकाले स्थानीय तहहरूले सावधानीस्वरूप यस्तो निर्णय गरेका हुन्।

यसैबीच, मौसम पूर्वानुमान महाशाखाले तराईका विभिन्न जिल्लामा आगामी तीन दिनसम्म तातो लहर (हीटवेभ) को सम्भावना रहेको जनाएको छ। महाशाखाले अत्यावश्यक कामबाहेक दिउँसोको समयमा बाहिर ननिस्कन, पर्याप्त पानी पिउन तथा स्वास्थ्यमा विशेष ध्यान दिन सर्वसाधारणलाई आग्रह गरेको छ।

स्थानीय तहहरूको यो निर्णयसँगै कञ्चनपुरका हजारौँ विद्यार्थी केही दिनका लागि विद्यालय जानबाट मुक्त भएका छन् भने अभिभावकहरूलाई बालबालिकाको स्वास्थ्य सुरक्षामा थप सजग रहन अनुरोध गरिएको छ।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  गृहमन्त्री बसेको होटलको खानामा अखाद्य वस्तु फेला, चितवनमा होटल अनुगमन तीव्र

• 

  प्रहरी श्रीमती संघद्वारा बुटवलमा निःशुल्क स्वास्थ्य शिविर तथा सचेतनामूलक कार्यक्रम सम्पन्न

• 

  बढुवासँगै नयाँ जिम्मेवारी : एसएसपी तुलबहादुर कार्कीद्वारा प्रहरीलाई दर्ज्यानी चिन्ह सु–शोभन

• 

  नागरिकले मुद्दाको सुनुवाइका लागि पटकपटक काठमाडौं धाउनुपर्ने अवस्था अन्त्य हुन पर्छ ः अधिवत्ता बिष्णु गिरी

• 

  राहदानी छपाइ भ्रष्टाचार मुद्दामा एसपीको नाम जोडियो, अनुसन्धानमा साक्षीका रूपमा उल्लेख

आजको राशिफल : मेषलाई सफलता, मीनलाई धनलाभको योग

१२ घण्टा अगाडि

2.2kViews 240 Shares Share on Facebook Share on Twitter मेष योजनाबद्ध तरिकाले कार्य गर्दा सफलता प्राप्त हुनेछ। कार्यक्षेत्रमा नयाँ जिम्मेवारी…

उत्कृष्ट कार्यसम्पादन गर्न जिल्ला प्रहरी प्रमुखहरूलाई डिआइजी भट्टराईको कडा निर्देशन

१२ घण्टा अगाडि

आवास योजनाको सूचना दिन पूर्वाधार विकास कार्यालयको आलटाल, सूचना लुकाएको आरोप

१ दिन अगाडि

कोशी प्रहरीका सहायक हवल्दारमाथि गम्भीर आरोप : गाँजा तस्करी सञ्जालसँग सम्बन्धदेखि रकम उठाउने कामसम्मको चर्चा

१ दिन अगाडि