नरैनापुरमा सातौँ अध्यक्ष कप तथा राष्ट्रपति रनिङ शिल्ड सुरु

बाँके ६ पुस । बाँकेको नरैनापुर रंगशाला मैदानमा आइतबार बिहान घामले जमिन तताउँदै थियो । माटोको गन्धसँगै विद्यार्थीहरूको चहलपहल बढ्दै जाँदा नरैनापुर गाउँपालिका एकछिनका लागि विद्यालय होइन, सपनाको मैदान बनेको थियो । कसैको आँखामा पदकको चमक थियो, कसैको अनुहारमा पहिलोपटक प्रतिस्पर्धा गर्ने आत्मविश्वास ।
बाँकेको दुर्गम मानिने नरैनापुरमा सुरु भएको सातौँ अध्यक्ष कप तथा राष्ट्रपति रनिङ शिल्ड प्रतियोगिता केवल खेलकुद कार्यक्रम मात्र होइन, यो आशा, अनुशासन र सम्भावनाको उत्सव हो ।
“खेलले जित–हार मात्र होइन, जीवनको लय सिकाउँछ,” उद्घाटन समारोहमा गाउँपालिका अध्यक्ष शैयद इस्तियाक अहमद शाहको भनाइ थियो । दुर्गम अवस्थाका बाबजुद शिक्षा र खेलकुदलाई प्राथमिकतामा राख्दै आएको उल्लेख गर्दै उहाँले खेलकुदलाई नरैनापुरको समृद्धिको एक आधारको रूपमा चित्रित गर्नुभयो ।
मैदानको एक कुनामा कक्षा पाँचकी छात्रा १०० मिटर दौडको तयारी गर्दै थिइन् । “पहिलोपटक यति ठूलो प्रतियोगिता खेलेकी हुँ,” उनी भन्छिन्, “जिते–नजिते पनि आफूलाई चिनाउने अवसर पाएकी छु ।” यही भावना आज नरैनापुरका सयौँ विद्यार्थीको मनमा छ ।
तीन दिनसम्म चल्ने प्रतियोगितामा भलिबलदेखि एथलेटिक्ससम्म, १०० देखि ३००० मिटर दौड, हाइजम्प र सटपुटसम्म गरी १३ विधामा प्रतिस्पर्धा भइरहेको छ। गाउँपालिकाका शिक्षा शाखा प्रमुख कृष्ण चौधरीका अनुसार, “पहिलो दिनमै आधारभूत तहका १३ खेल सम्पन्न भइसकेका छन् ।”
ग्रामीण भेगमा खेल आयोजना गर्नु चुनौतीपूर्ण भए पनि रनिङ शिल्ड स्थानीय प्रतिभा पहिचानको भरपर्दो माध्यम बनेको अध्यक्ष शाहको विश्वास छ । विद्यालयस्तरमै खेल पूर्वाधार विकासका लागि विशेष बजेट व्यवस्था गरिएको बताउँदै उहाँले विद्यार्थीलाई अनुशासित, मर्यादित र मेहनती भएर खेल प्रदर्शन गर्न आग्रह गर्नुभयो ।
कार्यक्रममा बोल्दै प्राविधिक केसीले बन्द कोठामा बसेर शिक्षा क्षेत्रको आलोचना गर्नेहरूलाई यस्ता प्रतियोगिताले वास्तविकता देखाउने विश्वास व्यक्त गर्नुभयो । उहाँका अनुसार, व्यवहारमा देखिने यस्ता सकारात्मक पहलहरूले शिक्षा र खेलकुद दुवै क्षेत्र जीवित र गतिशील रहेको सन्देश स्पष्ट रूपमा प्रवाह गर्छ।
गाउँपालिकाभरिका ११ वटा विद्यालय, मदरसा र माध्यमिक तहका विद्यार्थी सहभागी यस प्रतियोगितामा खेलसँगै आत्मविश्वास, अनुशासन र भविष्यका सपनाहरू दौडिरहेका छन्। कार्यक्रम मंगलबार समापन हुँदैछ, तर यसले छोड्ने प्रभाव भने लामो समयसम्म नरैनापुरको स्मृतिमा रहनेछ ।
प्रतियोगिताको उद्घाटन समारोहमा गाँउपालिका उपाध्यक्ष जयन्तीदेवी श्रीवास्तव, वडा नं. २ का अध्यक्ष तथा शिक्षा समितिका संयोजक मसूद अहमद शाह, वडा नं. ६ का अध्यक्ष प्रेम मौर्य, महिला विकास शाखा प्रमुख कृष्णा चन्द, सूचना अधिकारी लक्ष्मीकान्त मिश्रा, शिक्षा शाखाका प्राविधिक कमल केसी, रोजगार शाखा प्रमुख मकबुल मुकेरी, गाँउपालिकाका प्रेस सल्लाहकार आलम खान, पत्रकारहरु बिनय दिक्षित, कमल खत्री, कमल डाँगी, सन्ध्या शर्मा, तथा सह आयोजक नेपाल राष्ट्रिय आधारभूत विद्यालय शंकरनगर कोटियाका प्रधानाध्यापक शन्तोष पाण्डेलगायतको उल्लेखनीय उपस्थिति थियो । कार्यक्रम मंगलबार समापन हुने शिक्षक रामचन्द्र यादवले जानकारी दिनुभयो । कार्यक्रमको संचालन शिक्षक मान बहादु केसीले गर्नु भएको थियो ।

जनरक्षा फोकस

थप सामाग्री

पत्रकारको निष्पक्ष, तथ्यपूर्ण र साहसिक रिपोर्टिङको अपेक्षा गर्छौँ : आईजीपी कार्की

गम्भीर आरोपको घेरामा खगेन्द्र सुनार :बालेन सरकारको सुशासनको नारा टाँइटाँइ फिस ,छानबिन र कारबाहीमाथि प्रश्न

प्रहरीमाथि आक्रमण, हतियार लुटपाट र अस्पताल तोडफोडदेखि अवैध असुलीसम्मका आरोप; गुण्डा नाइकेसँगको सम्बन्ध र राजदूत बन्ने लबिङले विवादमा खगेन्द्र सुनार!

समाज

थप सामाग्री

• 

  प्रहरी बर्दीमा विवादको दाग : एसपी रुगम कुँवरको विगत फेरि चर्चामा, भक्तपुर इन्काउन्टरदेखि ६० किलो सुन तस्करी अनुसन्धानसम्म गम्भीर प्रश्न !

• 

  आज कार्तिक १६ गते सोमबार, यस्तो छ तपाईंको राशिफल

• 

  प्रहरी नेतृत्वमाथि राजनीतिक छायाँ : आईजीपी दान कार्कीलाई घेर्ने खेल केका लागि ?

• 

  अनेसास नेपाल च्याप्टरको सल्लाहकार समिति गठन, साहित्यकार शान्ति रिसाल महिला समिति संयोजकमा चयन

• 

  आज कार्तिक १५ गते आइतबारको राशिफल : मेषदेखि मीनसम्मका १२ राशिको भविष्यफल

पत्रकारको निष्पक्ष, तथ्यपूर्ण र साहसिक रिपोर्टिङको अपेक्षा गर्छौँ : आईजीपी कार्की

२ दिन अगाडि

3.1kViews 30 Shares Share on Facebook Share on Twitter काठमाडौँ । प्रहरी महानिरीक्षक (आईजीपी) दानबहादुर कार्कीले नेपाल प्रहरीले सञ्चारकर्मीबाट निष्पक्ष,…

प्रेस स्वतन्त्रता र सञ्चारकर्मीको सुरक्षाप्रति नेपाल प्रहरी प्रतिबद्ध : केन्द्रीय प्रवक्ता काफ्ले

२ दिन अगाडि

सल्यानमा जीप दुर्घटना : तीन जनाको मृत्यु, सात जना घाइते

२ दिन अगाडि

पत्रकार पक्राउमा सरकारकै दुईथरी बोली, प्रहरी र प्रधानमन्त्री सचिवालयको दाबीमै विरोधाभास !

२ दिन अगाडि