एन्फा प्रतिबन्धमा सरकारको हस्तक्षेप जिम्मेवार : ओली

काठमाडौं । नेकपा एमालेका अध्यक्ष केपी शर्मा ओलीले सरकारकै हस्तक्षेपका कारण अखिल नेपाल फुटबल संघ (एन्फा) अन्तर्राष्ट्रिय प्रतियोगिताबाट प्रतिबन्धमा परेको आरोप लगाएका छन् ।

मंगलबार नेपाल खेलकुद महासंघको राष्ट्रिय भेलालाई सम्बोधन गर्दै अध्यक्ष ओलीले विश्वकप फुटबल चलिरहेका बेला नेपाल भने अन्तर्राष्ट्रिय प्रतिबन्धमा पर्नु दुःखद भएको बताए ।

अन्तर्राष्ट्रिय फुटबल महासंघ (फिफा) ले एन्फामाथि लगाएको प्रतिबन्धप्रति असन्तुष्टि जनाउँदै ओलीले खेल क्षेत्रलाई सुधार गर्न जरैदेखि परिवर्तन आवश्यक रहेको धारणा राखे ।

उनले खेलकुद क्षेत्रमा देखिएका समस्या समाधानका लागि सतही नभई संरचनागत सुधार गर्नुपर्ने बताए ।

ओलीले नेपाली खेलाडीमा खेल कौशलसँगै देशप्रतिको जिम्मेवारी र राष्ट्रिय भावना पनि आवश्यक रहेको उल्लेख गर्दै देशको प्रतिष्ठा बढाउने खालका खेलाडी उत्पादन गर्नुपर्नेमा जोड दिए ।

उनले उत्कृष्ट प्रदर्शनमार्फत अन्तर्राष्ट्रिय स्तरमा नेपालको पहिचान बलियो बनाउन खेल क्षेत्रलाई व्यवस्थित बनाउनुपर्ने धारणा राखे ।

Facebook Comments Box