कालसिङ्गे खोला तर्ने क्रममा १७ वर्षीय किशोर बेपत्ता

धनगढी । बाजुराको जगन्नाथ गाउँपालिकामा खोला तर्ने क्रममा एक किशोर बगेर बेपत्ता भएका छन्।
जगन्नाथ गाउँपालिका–३ का बिर्ज सिंहका अन्दाजी १७ वर्षीय छोरा अनुज सिंह मंगलबार दिउँसो बाख्रा चराउन गएका बेला कालसिङ्गे खोला तर्ने क्रममा बगेर बेपत्ता भएका हुन्।
प्रहरीका अनुसार मंगलबार दिउँसो करिब १ बजे खोला तर्ने क्रममा अचानक आएको बहावले उनलाई बगाएको हो। घटनाबारे स्थानीय खडक भण्डारीले साँझ ५ः५० बजे प्रहरी चौकी जुड्डीमा जानकारी गराएका थिए।
घटनाको जानकारी प्राप्त भएलगत्तै प्रहरी चौकी जुड्डीबाट प्रहरी सहायक निरीक्षक रमेशबहादुर रावलको कमान्डमा तीन जनाको प्रहरी टोली किशोरको खोजी तथा उद्धारका लागि घटनास्थलतर्फ परिचालन गरिएको छ।
प्रहरीका अनुसार घटनास्थल प्रहरी चौकी जुड्डीबाट करिब चार घण्टा पैदल पश्चिमतर्फ पर्छ। दुर्गम भूगोल र खोलामा पानीको बहावका कारण खोजी तथा उद्धारमा कठिनाइ भए पनि प्रहरीले स्थानीयको समन्वयमा बेपत्ता किशोरको खोजी कार्य जारी राखेको जनाएको छ।

Facebook Comments Box

जनरक्षा फोकस

थप सामाग्री

समाज

थप सामाग्री

परिवारको भविष्य २८ प्रहरीका सन्ततिलाई मास्टर्ससम्म निःशुल्क शिक्षा, आइजिपी दानबहादुर कार्कीको कल्याणकारी नेतृत्वको प्रशंसा

३ दिन अगाडि

2.8kViews 15 Shares Share on Facebook Share on Twitter काठमाडौं । कर्तव्य निर्वाहका क्रममा प्राकृतिक विपद्को प्रत्यक्ष मारमा परेका नेपाल…

धरातल बिर्सनुभयो कि संघर्षको आवाज बन्नुभयो? खगेन्द्र सुनारलाई दल मर्दन कामीको कठोर प्रश्न

३ दिन अगाडि

वरिष्ठ पत्रकार हरि लम्सालको निधन

३ दिन अगाडि

आज असोज १७ गते शनिबार,यस्तो छ तपाईको राशिफल

४ दिन अगाडि

यो अनलाईन पत्रिका काठमाडौं, भक्तपुर, ललितपुरका क्रियाशिल पत्रकारहरुको सक्रियतामा सञ्चालनमा ल्याईएको हो । हामी  नेपाल सेरोफेरोमा केन्द्रित रहनेछौ । सुचना,जानकारी,मनोरञ्जन तथा विविध गतिविधि प्रस्तुत गर्ने हाम्रो लक्ष्य रहेको छ।

जनरक्षा संचालक समुह :
संचालक/ प्रधान सम्पादक :रामशरण काफ्ले
प्रबन्ध निर्देशक : अनिल कुमार लामा
सम्पादक : रमण काफ्ले

विज्ञापन, सूचना तथा अन्य सामाग्री प्रकाशन गर्नुपरेमा हामीलाई सम्पर्क गर्नुहोस् ।
 सूचना विभाग दर्ता नं : २१८९/०७७-७८

जोडिनुहोस

TOP