
देशभर मौसममा बदलीको प्रभाव, धेरै स्थानमा वर्षा, हिमपात र हावाहुरीको चेतावनी

काठमाडौँ । नेपालमा हाल पश्चिमी न्यून चापीय प्रणालीसँगै स्थानीय वायुको प्रभाव सक्रिय रहँदा देशभर मौसममा उल्लेखनीय परिवर्तन देखिएको छ। मौसम पूर्वानुमान महाशाखाका अनुसार यस प्रणालीको प्रभावले विशेषगरी गण्डकी, लुम्बिनी, कर्णाली र सुदूरपश्चिम प्रदेशमा व्यापक बदली भएको छ भने बागमती र कोशी प्रदेशका हिमाली भूभागमा समेत आंशिकदेखि सामान्य बदली कायम रहेको छ। अन्य क्षेत्रहरूमा भने मौसम मुख्यतया सफा रहेको जनाइएको छ।
आज दिउँसो गण्डकी, लुम्बिनी, कर्णाली र सुदूरपश्चिम प्रदेशमा पूर्ण बदली रहनेछ भने देशका बाँकी भागमा आंशिकदेखि सामान्य बदली रहने अनुमान गरिएको छ। यी प्रदेशका धेरै स्थानहरूमा चट्याङ, हावाहुरी र असिनासहित मध्यम वर्षाको सम्भावना रहेको छ। साथै, कोशी र बागमती प्रदेशका पहाडी तथा हिमाली क्षेत्रमा पनि केही स्थानमा वर्षा र हिमपात हुन सक्ने पूर्वानुमान छ। मधेस प्रदेश तथा कोशी र बागमतीका तराई भूभागमा समेत थोरै स्थानमा मौसम प्रतिकूल बन्ने संकेत देखिएको छ।
विशेषगरी गण्डकी, लुम्बिनी, कर्णाली र सुदूरपश्चिम प्रदेशका पहाडी तथा हिमाली भूभागका एक–दुई स्थानमा भारी वर्षा र हिमपातको सम्भावना रहेकोले सतर्कता अपनाउन महाशाखाले आग्रह गरेको छ। त्यस्तै, मधेस, लुम्बिनी, गण्डकी, बागमती र कोशी प्रदेशका केही स्थानमा हावाहुरी चल्ने सम्भावना पनि रहेको छ।
आज राति पनि देशभर सामान्यदेखि पूर्ण बदली कायम रहनेछ। कोशी, मधेस, लुम्बिनी, कर्णाली र सुदूरपश्चिम प्रदेशका धेरै स्थानमा तथा देशका पहाडी र हिमाली भूभागमा चट्याङसहित मध्यम वर्षा र हिमपातको सम्भावना रहेको छ भने तराईका केही स्थानमा पनि वर्षा हुन सक्ने अनुमान गरिएको छ।
मौसममा आउने यस्तो परिवर्तनले दैनिक जनजीवन, यातायात तथा कृषिमा असर पार्न सक्ने भएकाले आवश्यक सतर्कता अपनाउन सम्बन्धित निकायले आग्रह गरेका छन्।
जनरक्षा फोकस
थप सामाग्रीसमाज
थप सामाग्री-
आईजीपी दानबहादुर कार्कीपछि गुप्तचर प्रमुख टेकेन्द्र कार्की पनि हट्ने चर्चा, प्रधानमन्त्री असन्तुष्ट
-
आज कार्तिक २१ गते शनिबार, यस्तो छ तपाईंको राशिफल
-
समाचारकक्षमा प्रहरी धरकपडको छानबिन गर्न पत्रकार महासंघको माग, छठपछि चरणबद्ध आन्दोलन गर्ने चेतावनी
-
सुरक्षित राजधानी, सुदृढ प्रहरी र नागरिकको भरोसा
-
सिंहदरबारभित्रै जेब्रा क्रसिङमा सांसद गैरेलाई गाडीको ठक्कर, ट्रमा सेन्टरमा उपचार
आज धनतेरस मनाइँदै, तिहार पर्व सुरु
१ दिन अगाडि
1.5kViews 15 Shares Share on Facebook Share on Twitter काठमाडौँ । नेपालीको दोस्रो ठूलो चाड तिहार आजदेखि सुरु भएको छ…





