कालीमाटी बजारले तोक्यो आजका लागि कृषिउपजको अधिकतम थोक मूल्य

काठमाडौँ । कालीमाटी फलफूल तथा तरकारी बजार विकास समितिले आजका लागि विभिन्न कृषिउपजहरूको अधिकतम थोक मूल्य निर्धारण गरेको छ। समितिले तरकारी, फलफूल, च्याउ, सागसब्जी तथा माछालगायतका उपजहरूको दैनिक मूल्य सूची सार्वजनिक गरेको हो।

समितिका अनुसार गोलभेँडा ठूलो (नेपाली) प्रतिकिलो रु ६०, भारतीय रु ७०, सानो लोकल रु २६ र टनेल उत्पादन रु ३१ कायम गरिएको छ। आलु रातो (लाम्चो) रु ३५ र गोलो रु ३० तथा प्याज सुकेको (भारतीय) रु ४३ निर्धारण गरिएको छ।

त्यसैगरी गाजर लोकल रु ८०, बन्दा रु ४०, काउली रु ७५, सेतो मूला रु ३०, भन्टा लाम्चो र डल्लो दुवै रु ६० तोकिएको छ।

बोडी (तने) रु १००, मकै बोडी रु ९०, घिउ सिमी लोकल रु ७०, हाइब्रिड रु ५० र राजमा सिमी रु १०० निर्धारण गरिएको छ। भटमास कोसा रु १६०, तीते करेला रु ४०, लौका रु ५५, परवर रु ६५, घिरौँला रु ६०, चिचिण्डो रु ३५ र झिगुनी रु ६० कायम गरिएको छ।

सागसब्जीतर्फ रायो साग रु ७०, पालुङ्गो र चमसुर साग रु ९०, तोरी साग रु ५०, मेथी साग रु ६० तथा हरियो प्याज रु १२० निर्धारण गरिएको छ।

च्याउको मूल्यमा उल्लेख्य भिन्नता देखिएको छ। कन्य च्याउ रु २८०, डल्ले रु ४५०, राजा च्याउ रु ३२० र सिटाके च्याउ रु १,००० प्रति किलो तोकिएको छ।

फलफूलतर्फ स्याउ (फुजी) रु ३००, केरा (नेपाली) दर्जन रु २०० र मालभोग रु २२०, अनार रु ४२०, आँप मालदह रु १२० र दशहरी रु १३० कायम गरिएको छ।

यसैगरी तरबुजा रु ४५, भुइँकटहर रु २००, कागती रु २२०, काँक्रो लोकल रु ८०, हाइब्रिड रु २५ र लोकलक्रस रु ६० निर्धारण गरिएको छ। अन्य फलफूलमा मेवा, लिची, नरिवल, नासपाती लगायतका उपजहरू पनि समावेश छन्।

मसलाजन्य तथा अन्य उपजतर्फ अदुवा रु १२०, सुकेको खुर्सानी रु ४५०, हरियो खुर्सानी रु ५०–७०, लसुन रु १८०–२२०, हरियो धनियाँ रु २००, हरियो लसुन रु २०० तथा ताजा माछामा रहु रु ३४०, बचुवा रु ३०० र छडी रु २५० तोकिएको समितिले जनाएको छ।

समितिका अनुसार यी मूल्यहरू आजका लागि अधिकतम थोक मूल्य हुन्। बजार अवस्था अनुसार दैनिक रूपमा मूल्यमा परिवर्तन हुने पनि बताइएको छ।

Facebook Comments Box