भाषा दक्षताले शान्ति अभियानलाई थप प्रभावकारी बनाउँछ : प्रहरी महानिरीक्षक दानबहादुर कार्की

काठमाडौं । नेपाल प्रहरीका प्रहरी महानिरीक्षक (आईजीपी) दानबहादुर कार्कीले संयुक्त राष्ट्रसंघीय शान्ति अभियानलाई प्रभावकारी बनाउन भाषा दक्षताको महत्वपूर्ण भूमिका रहेको बताउनुभएको छ।

संयुक्त राष्ट्रसंघीय शान्ति अभियान विभागका अवर–महासचिव श्री जाँ–पिएर लाक्रोआसँग “शक्तिवर्द्धक माध्यमका रूपमा भाषा : भाषा प्रशिक्षणमार्फत संयुक्त राष्ट्रसंघीय शान्ति अभियानलाई सुदृढ बनाउने” विषयक उच्चस्तरीय सत्रमा प्यानल वक्ताका रूपमा सहभागी हुँदै आईजीपी कार्कीले भाषा प्रशिक्षणलाई शान्ति स्थापना अभियानको महत्वपूर्ण आधारका रूपमा प्रस्तुत गर्नुभएको हो।

उहाँले संयुक्त राष्ट्रसंघीय प्रहरी (UNPOL) का अधिकारीहरूसँग भएको छलफलमा भाषा दक्षताले प्रभावकारी सञ्चार, स्थानीय समुदायसँग विश्वासको सम्बन्ध निर्माण, शान्ति सुरक्षाकर्मीबीचको अन्तरसञ्चालन क्षमता अभिवृद्धि तथा अभियानको समग्र सफलतामा प्रत्यक्ष योगदान पुर्‍याउने विषयमा जोड दिनुभयो।

विश्व शान्ति र सुरक्षाका लागि नेपालले दशकौँदेखि संयुक्त राष्ट्रसंघीय शान्ति अभियानमा सैनिक तथा प्रहरी योगदान गर्दै आएको उल्लेख गर्दै आईजीपी कार्कीले भाषा प्रशिक्षणमा लगानी गर्नु नेपालको अन्तर्राष्ट्रिय प्रतिबद्धतालाई थप मजबुत बनाउने महत्वपूर्ण कदम भएको बताउनुभयो।

संयुक्त राष्ट्रसंघीय शान्ति अभियानमा नेपाल अग्रणी योगदानकर्ता राष्ट्रमध्ये एक हो। नेपाली सुरक्षाकर्मीहरूले विभिन्न द्वन्द्वग्रस्त क्षेत्रमा शान्ति स्थापना, नागरिक सुरक्षा र मानवीय सहयोगका क्षेत्रमा पुर्‍याउँदै आएको योगदानले नेपालको अन्तर्राष्ट्रिय छवि थप उँचो बनाउँदै आएको छ।

आईजीपी कार्कीको सहभागिताले शान्ति अभियानमा नेपालको व्यावसायिक क्षमता, संस्थागत प्रतिबद्धता र अन्तर्राष्ट्रिय सहकार्यप्रतिको प्रतिबद्धतालाई थप उजागर गरेको छ।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  बाल मन्दिर जग्गा प्रकरणमा सीआईबीको ठूलो कदम : रकम हिनामिना आरोपमा तीन जना पक्राउ

• 

  सार्वजनिक कार्यक्रममा दिएको अभिव्यक्तिपछि डीएसपी चौधरी जिल्ला तानिए, भिडियोबारे सोधपुछ हुने

• 

  उपत्यका ट्राफिक प्रहरी प्रमुख एसएसपी सुरेश काफ्लेको २४ सै घण्टा सडक निगरानी, व्यवस्थित यातायातका लागि निरन्तर सक्रियता

• 

  भाषा दक्षताले शान्ति अभियानलाई थप प्रभावकारी बनाउँछ : प्रहरी महानिरीक्षक दानबहादुर कार्की

• 

  देशभर मनसुन सक्रिय : आज पनि चट्याङसहित वर्षा, केही स्थानमा भारीदेखि धेरै भारी वर्षाको चेतावनी

आज असार २५ गते बिहिबार,यस्तो छ तपाईको राशिफल

१३ घण्टा अगाडि

2.0kViews 156 Shares Share on Facebook Share on Twitter मेष- जीवनसाथी वा प्रेमी–प्रेमिकाबाट अपेक्षित साथ र सहयोग प्राप्त हुने सम्भावना छ…

२५ जनाको ज्यान लिने ‘ध्रुवे’ हात्ती फेरि नियन्त्रणमा लिने तयारी, नयाँ रेडियो कलर जडान गरिने

१ दिन अगाडि

एआइजी मनोज केसीको नाममा ‘इमेल आतंक’! प्रहरीभित्रैको सूचना चुहावट कि साइबर गिरोहको संगठित खेल?

१ दिन अगाडि

गृहमन्त्री गुरुङद्वारा सीआईबीको आकस्मिक निरीक्षण, अनुसन्धान प्रगतिबारे लिए जानकारी

२ दिन अगाडि