उपत्यका ट्राफिक प्रहरी प्रमुख एसएसपी सुरेश काफ्लेको २४ सै घण्टा सडक निगरानी, व्यवस्थित यातायातका लागि निरन्तर सक्रियता

काठमाडौं । काठमाडौं उपत्यकाको ट्राफिक व्यवस्थापनलाई थप प्रभावकारी, सुरक्षित र अनुशासित बनाउने उद्देश्यसहित उपत्यका ट्राफिक प्रहरी कार्यालयका प्रमुख प्रहरी वरिष्ठ उपरीक्षक (एसएसपी) सुरेश काफ्ले निरन्तर सक्रिय देखिएका छन् । जिम्मेवारी सम्हालेदेखि नै उनले कार्यालयभित्रको प्रशासनिक कामसँगै सडकको वास्तविक अवस्था बुझ्न प्रत्यक्ष अनुगमनलाई प्राथमिकता दिएका छन् ।
एसएसपी काफ्लेको नेतृत्वमा उपत्यकाका प्रमुख सडक, चोक, व्यस्त क्षेत्र तथा दुर्घटना जोखिम भएका स्थानमा ट्राफिक प्रहरीको उपस्थितिलाई प्रभावकारी बनाइएको छ । उनी स्वयंले विभिन्न समयमा सडकमा पुगेर ट्राफिक व्यवस्थापनको अवस्था, प्रहरीको कार्यशैली, यात्रुको समस्या र सडक अनुशासनबारे प्रत्यक्ष जानकारी लिँदै आएका छन् ।
सवारी चाप, सडक दुर्घटना, ट्राफिक नियम उल्लङ्घन र अव्यवस्थित पार्किङजस्ता चुनौतीबीच उपत्यकाको ट्राफिक व्यवस्थापनलाई सहज बनाउनु चुनौतीपूर्ण काम हो । तर एसएसपी काफ्लेले योजनाबद्ध कार्ययोजना, प्रविधिको प्रयोग र फिल्ड अनुगमनलाई प्राथमिकता दिँदै ट्राफिक व्यवस्थापनमा सुधारका प्रयास अघि बढाएका छन् ।
उनको नेतृत्वमा ट्राफिक प्रहरीले नियम उल्लङ्घन गर्ने सवारी चालकविरुद्ध कारबाहीलाई प्रभावकारी बनाएको छ । मापसे गरी सवारी चलाउने, तीव्र गति, लेन अनुशासन उल्लङ्घन, जथाभावी पार्किङ, निषेधित हर्न प्रयोग, कालो सिसा (टिन्टेड ग्लास) प्रयोगलगायतका गतिविधि नियन्त्रणमा कडाइ गरिएको छ ।
एसएसपी काफ्लेको कार्यशैलीको अर्को विशेषता भनेको ‘कमाण्डर आफैं मैदानमा’ भन्ने शैली हो । कार्यालयको रिपोर्टमा मात्र भर नपरी उनी बिहानदेखि रातिसम्म विभिन्न स्थानको अवस्थाबारे जानकारी लिने, ट्राफिक प्रहरीको ड्युटी निरीक्षण गर्ने र आवश्यक निर्देशन दिने कार्यमा सक्रिय छन् ।
सडकमा खटिने ट्राफिक प्रहरीको मनोबल बढाउन पनि उनले विशेष ध्यान दिएका छन् । कठिन परिस्थितिमा समेत जिम्मेवारी निर्वाह गर्ने प्रहरी कर्मचारीलाई प्रोत्साहन गर्दै नागरिकमैत्री सेवा प्रवाहमा जोड दिएका छन् । ट्राफिक प्रहरी र सर्वसाधारणबीचको सम्बन्ध अझ विश्वासिलो बनाउन व्यवहार सुधार र सेवाको गुणस्तर वृद्धि गर्न निर्देशन दिँदै आएका छन् ।
उपत्यकाको बढ्दो सवारी चाप व्यवस्थापनका लागि दीर्घकालीन योजना आवश्यक रहेको बताउँदै एसएसपी काफ्लेले सडक सुरक्षा सबैको साझा जिम्मेवारी भएको सन्देश दिँदै आएका छन् । ट्राफिक नियम पालना गर्ने संस्कार विकास भए मात्र दुर्घटना न्यूनीकरण र सहज यातायात सम्भव हुने उनको जोड छ ।
गृहमन्त्री सुधन गुरुङले समेत उपत्यका ट्राफिक प्रहरी कार्यालयको निरीक्षणका क्रममा ट्राफिक व्यवस्थापनबारे जानकारी लिँदा एसएसपी काफ्लेले प्रस्तुत गरेको कार्ययोजना र व्यवस्थापन पक्षको प्रशंसा गरेका थिए ।
एसएसपी सुरेश काफ्लेको सक्रियता अहिले उपत्यकाको ट्राफिक व्यवस्थापनमा देखिएको सकारात्मक परिवर्तनसँग जोडिएको छ । सडकमा २४ सै घण्टा निगरानी, प्रहरी परिचालनमा चुस्तता र नागरिक सेवामा केन्द्रित कार्यशैलीका कारण उनी ट्राफिक व्यवस्थापन सुधार अभियानका सक्रिय नेतृत्वकर्ताका रूपमा देखिएका छन् ।
सडक अनुशासन कायम गर्ने अभियान केवल कारबाहीमा सीमित नभई सचेतना, समन्वय र जिम्मेवार यातायात संस्कृतिको विकासतर्फ अघि बढाउन एसएसपी काफ्लेको भूमिका महत्वपूर्ण देखिएको छ ।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  बाल मन्दिर जग्गा प्रकरणमा सीआईबीको ठूलो कदम : रकम हिनामिना आरोपमा तीन जना पक्राउ

• 

  सार्वजनिक कार्यक्रममा दिएको अभिव्यक्तिपछि डीएसपी चौधरी जिल्ला तानिए, भिडियोबारे सोधपुछ हुने

• 

  उपत्यका ट्राफिक प्रहरी प्रमुख एसएसपी सुरेश काफ्लेको २४ सै घण्टा सडक निगरानी, व्यवस्थित यातायातका लागि निरन्तर सक्रियता

• 

  भाषा दक्षताले शान्ति अभियानलाई थप प्रभावकारी बनाउँछ : प्रहरी महानिरीक्षक दानबहादुर कार्की

• 

  देशभर मनसुन सक्रिय : आज पनि चट्याङसहित वर्षा, केही स्थानमा भारीदेखि धेरै भारी वर्षाको चेतावनी

आज असार २५ गते बिहिबार,यस्तो छ तपाईको राशिफल

१३ घण्टा अगाडि

2.0kViews 156 Shares Share on Facebook Share on Twitter मेष- जीवनसाथी वा प्रेमी–प्रेमिकाबाट अपेक्षित साथ र सहयोग प्राप्त हुने सम्भावना छ…

२५ जनाको ज्यान लिने ‘ध्रुवे’ हात्ती फेरि नियन्त्रणमा लिने तयारी, नयाँ रेडियो कलर जडान गरिने

१ दिन अगाडि

एआइजी मनोज केसीको नाममा ‘इमेल आतंक’! प्रहरीभित्रैको सूचना चुहावट कि साइबर गिरोहको संगठित खेल?

१ दिन अगाडि

गृहमन्त्री गुरुङद्वारा सीआईबीको आकस्मिक निरीक्षण, अनुसन्धान प्रगतिबारे लिए जानकारी

२ दिन अगाडि