शैक्षिक परामर्शसम्बन्धी नयाँ नियमावली पारित, जेकाद्वारा विरोध

काठमाडौं । सरकारले शैक्षिक परामर्श, भाषा शिक्षण तथा तयारी कक्षा (सञ्चालन र व्यवस्थापन) नियमावली, २०८३ स्वीकृत गरेको छ। बिहीबार बसेको मन्त्रिपरिषद् बैठकले नियमावली पारित गर्दै शैक्षिक परामर्श संस्थाको सञ्चालन, व्यवस्थापन र नियमनका लागि नयाँ व्यवस्था लागू गरेको हो।

नियमावलीअनुसार शैक्षिक परामर्श संस्थाले २५ लाख रुपैयाँ धरौटी राख्नुपर्ने र ५० हजार रुपैयाँ अनुमति पत्र दस्तुर तिर्नुपर्ने व्यवस्था गरिएको छ। साथै, नगद कारोबारमा रोक लगाउँदै सबै शुल्क बैंक वा डिजिटल माध्यमबाट मात्रै लिनुपर्ने प्रावधान राखिएको छ।

विद्यार्थी हित संरक्षणका लागि विदेशमा अलपत्र परेमा वा अवैध शैक्षिक संस्थामा भर्ना गराइएमा सम्बन्धित परामर्श संस्थाले क्षतिपूर्ति व्यहोर्नुपर्ने व्यवस्था गरिएको छ। विदेशी लगानी भएका संस्थाले एक वर्षभित्र स्वदेशी स्वामित्वमा नामसारी गर्नुपर्ने तथा विदेश अध्ययन लक्षित शैक्षिक मेला वा प्रदर्शनी आयोजना गर्न नपाइने प्रावधान पनि नियमावलीमा समेटिएको छ।

यस्तै, सेवा गुणस्तरका आधारमा परामर्श संस्थालाई ‘ए’, ‘बी’ र ‘सी’ श्रेणीमा वर्गीकरण गर्ने व्यवस्था गरिएको छ।

यता, नेपाल शैक्षिक परामर्श संघ (JECA) ले भने नियमावलीप्रति असन्तुष्टि जनाएको छ। संघले सरोकारवालासँग पर्याप्त छलफल नगरी अव्यावहारिक प्रावधान समेटिएको दाबी गर्दै नियमावलीको विरोध गरेको हो।

संघका अनुसार नयाँ व्यवस्थाले विद्यार्थी र अभिभावकमाथि थप आर्थिक भार पर्ने, ठूला व्यवसायीलाई फाइदा पुग्ने, साना परामर्श संस्था विस्थापित हुने तथा छिटो, सहज र विश्वासिलो सेवा प्रभावित हुन सक्ने जोखिम रहेको छ।

सरकारले नियमावलीले शैक्षिक परामर्श क्षेत्रलाई थप पारदर्शी, उत्तरदायी र व्यवस्थित बनाउने विश्वास व्यक्त गरेको छ भने जेकाले यसको पुनरावलोकन गर्न माग गरेको छ।

जनरक्षा फोकस

थप सामाग्री

आईजीपी दानबहादुर कार्कीको नेतृत्वमा प्रहरी संगठनमा नयाँ ऊर्जा: सुधार अभियानले लिएको तीव्र गति

संकटमा कमाण्ड सम्हाल्ने नेतृत्वमाथि अन्याय किन ?

जेनजी आन्दोलनपछि नेपाल प्रहरीले पाएको दृढ नेतृत्व

समाज

थप सामाग्री

• 

  बाल मन्दिर जग्गा प्रकरणमा सीआईबीको ठूलो कदम : रकम हिनामिना आरोपमा तीन जना पक्राउ

• 

  सार्वजनिक कार्यक्रममा दिएको अभिव्यक्तिपछि डीएसपी चौधरी जिल्ला तानिए, भिडियोबारे सोधपुछ हुने

• 

  उपत्यका ट्राफिक प्रहरी प्रमुख एसएसपी सुरेश काफ्लेको २४ सै घण्टा सडक निगरानी, व्यवस्थित यातायातका लागि निरन्तर सक्रियता

• 

  भाषा दक्षताले शान्ति अभियानलाई थप प्रभावकारी बनाउँछ : प्रहरी महानिरीक्षक दानबहादुर कार्की

• 

  देशभर मनसुन सक्रिय : आज पनि चट्याङसहित वर्षा, केही स्थानमा भारीदेखि धेरै भारी वर्षाको चेतावनी

आज असार २५ गते बिहिबार,यस्तो छ तपाईको राशिफल

११ घण्टा अगाडि

1.9kViews 156 Shares Share on Facebook Share on Twitter मेष- जीवनसाथी वा प्रेमी–प्रेमिकाबाट अपेक्षित साथ र सहयोग प्राप्त हुने सम्भावना छ…

२५ जनाको ज्यान लिने ‘ध्रुवे’ हात्ती फेरि नियन्त्रणमा लिने तयारी, नयाँ रेडियो कलर जडान गरिने

१ दिन अगाडि

एआइजी मनोज केसीको नाममा ‘इमेल आतंक’! प्रहरीभित्रैको सूचना चुहावट कि साइबर गिरोहको संगठित खेल?

१ दिन अगाडि

गृहमन्त्री गुरुङद्वारा सीआईबीको आकस्मिक निरीक्षण, अनुसन्धान प्रगतिबारे लिए जानकारी

१ दिन अगाडि