एसपी सन्तोष आचार्यको प्रमुख आतिथ्यतामा घुम्ती अनुशिक्षण तालिम सम्पन्न

कपिलवस्तु । जिल्ला प्रहरी कार्यालय कपिलवस्तुमा सञ्चालित प्रहरी हवल्दार/प्रहरी जवान लक्षित घुम्ती अनुशिक्षण कार्यक्रम अन्तर्गत ६ कार्य दिन अवधिको “अपराध अनुसन्धान तथा नियन्त्रण विशेष अनुशिक्षण” तालिम सम्पन्न भएको छ ।

जिल्ला प्रहरी कार्यालय कपिलवस्तुका प्रमुख प्रहरी उपरीक्षक सन्तोष आचार्यको प्रमुख आतिथ्यतामा आयोजित समापन कार्यक्रममा प्रशिक्षार्थीहरूलाई प्रमाणपत्र वितरण गरिएको थियो । प्रमुख अतिथि आचार्यले प्रशिक्षार्थीहरूलाई अपराध अनुसन्धान तथा नियन्त्रणसम्बन्धी सीपलाई व्यवहारमा प्रभावकारी रूपमा प्रयोग गर्न आवश्यक निर्देशन दिनुभयो ।

कार्यक्रम जिल्ला प्रहरी कार्यालय कपिलवस्तुको आयोजनामा सम्पन्न भएको हो । तालिमले प्रहरी कर्मचारीहरूको व्यावसायिक क्षमता अभिवृद्धि, अनुसन्धान दक्षता सुधार तथा समसामयिक अपराध नियन्त्रणमा थप प्रभावकारी भूमिका खेल्ने अपेक्षा गरिएको छ ।

कार्यक्रममा प्रशिक्षार्थी तथा प्रहरी अधिकृतहरूको उपस्थिति रहेको थियो ।

Facebook Comments Box
एसइईमा सर्वोत्कृष्ट नतिजा हासिल गरेको नेपाल पुलिस स्कुल सामाखुसीलाई सम्मान
१० घण्टा अगाडि

1.6kViews 350 Shares Share on Facebook Share on Twitter काठमाडौं । नेपाल प्रहरी कल्याणकारी कार्यक्रमअन्तर्गत सञ्चालित नेपाल पुलिस स्कुलहरूमध्ये शैक्षिक…

TOP
210 Shares